Լրագրող Հակոբ Կարապետյանի ֆեյսբուքյան գրառումը. «Նիկոլ Փաշինյանը շարքային սադրիչ է, որը, իմանալով, որ եկեղեցիներում հատկապես բազմամարդ օրերին նրա ներկայությունը մեղմ ասած, միանշանակ չի ընկալվում, վեր է կենում, իր շքախմբով գնում է եկեղեցի։ Մանավանդ քրիստոնյաների ամենասիրած տոներից մեկը՝ Ծաղկազարդը, հարամ անելու համար բացառիկ տաղանդ էր պետք։
Կա՛մ Փաշինյանը կորցրել է իրականության զգացողությունը ու կարծում է, թե կաթողիկոսի երևանյան աթոռանիստ տաճարում իրեն պետք է դիմավորեն օվսաննաներով, կա՛մ հատուկ ցինիզմով գիտակցելով, որ խռովելու է հավատացյալներին իր ներկայությամբ, սադրել է էսօրվա միջադեպը։ Ընդ որում, սադրել է ոչ միայն իր ներկայությամբ, այլև իրեն ուղեկցող Ալեն Սիմոնյանի, որը շաբաթը մի հոգու ճաղերի հետևն է ուղարկում միայն նրա համար, որ իր դեմքին ասում են ճշմարտությունը։
Հ.Գ. Հատուկ քպ-ական պրոպագանդայի համար ասեմ, որ չեմ ողջունում Փաշինյանին հարվածելու փորձ անող երիտասարդի պահվածքը։ Այդուհանդերձ, եթե կա մեկը, որին պետք է վնասազերծել ու մեկուսացնել էս հասարակությունից, Նիկոլ Փաշինյանն է, իսկ երկրորդը՝ նրա Ալեն Սիմոնյանը»:

***

Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Հերթական հաջողված տեխնոլոգիական հնարքը:
Նա միշտ գիտի՝ ուր է գնում և ում մոտ: Վերջապես, ընդունեք, որ գործ ունենք ամեն քայլ հաշվարկող տեսակի հետ:
Այսօրվա միջադեպը թույլ է տալու նրան վաղը ասել, որ տեղի է ունեցել հատուկ կազմակերպված սադրանք, հավանաբար՝ Վեհափառի շրջապատի մարդկանց կողմից, ուստի կրկին արդիականանալու է ՀԱԵ «բարեփոխման» տխրահռչակ օրակարգը:
Նարատիվն էլ կանխատեսելի է՝ «Հայ Առաքելական Եկեղեցին դեմ է խաղաղությանը, ռևանշիստական ուժ է, հիբրիդային գործիք, հետևաբար՝ վտանգ ազգային անվտանգության համար»:
Եկեղեցու դեմ առաջին փուլում կրած պարտությունը դեռ չի մարսել:
Սկսվում է նոր փուլը»:

***

Ակտիվիստ Հրանտ Ավետիսյանի ֆեյսբուքյան գրառումը. «Երեք օր առաջ ԱԺ-ում ալեն սիմոնյանը հիշել էր իր լավագույն տարիները, երբ ձուկ էր աշխատում ու բեմից Աննա Գրիգորյանին ասում էր (իրեն զգալով ինչպես ձուկը ջրում), թե կարա՞ս Ռոբերտ Քորարյանի հետ դրսում քայլես հանգիստ: Այսօր ալեն սիմոնյանը իր շեֆի հետ եկեղեցում թիկնապահներով շրջապատված գլուխը կախ դուրս պրծավ, որ չլսի և չտեսնի իրական պատկերը, թե ինչ են մտածում մարդիկ իրենց մասին, ովքեր նախօրոք ուղարկված չեն գեղեցիկ կադրեր ստանալու համար:
Տեսար, ալեն, ով ա կարում փողոցում քայլի, իսկ ով ա անգամ եկեղեցուց փախնում»: