Երեկ Կրասնոդարի երկրամասի նահանգապետ Ալեքսանդր Տկաչևը հայտնել է, որ «Նոր ալիք» միջազգային մրցույթը 2015թ-ից ի վեր անցկացվելու է Սոչի քաղաքում։
«Ուրախությամբ պետք է հայտնեմ, որ ստացել ենք «Նոր ալիքը» հյուրընկալելու իրավունքը: Կարծում եմ, որ սա փոքր հաղթանակ չէ: Այս մրցույթի օգնությամբ մենք մեծ թվով զբոսաշրջիկների կգրավենք եւ նոր աշխատատեղեր կստեղծենք», - խոստովանել է Տկաչևը:
Նահանգապետը նշել է, որ բացի Սոչիից, փառատոնի անցկացման հավանական վայրերից են եղել նաեւ Կալինինգրադն ու Յալթան։ Կազմակերպիչները տեւական ժամանակ է ընտրություն էին կատարում, բայց ի վերջո որոշվել է օլիմպիական մայրաքաղաք Սոչին։
Նշենք, որ այս փոփոխության արդյունքում Յուրմալայի բյուջեն մոտ 17 միլիոն եվրո գումար կկորցնի։
