Գյումրիի ավագանու անդամ Ռուբեն Մխիթարյանը ֆեյսբուքյան իր էջում գրում է․ «Հանրայինում բանավիճելը իշխանության ներկայացուցչի հետ մոտավորապես նույնն է, որ տիեզերքի մեջ գոռաս ու սպասես արձագանքի: Բովանդակության դիմաց՝ սև անցք ու դատարկություն:
Հ.Գ. Որ դրանք ձեր հարցերը ճիշտ ընկալեն՝ ադրբեջաներեն ձևակերպեք: Իրենք ուրիշ լեզվով չեն հասկանում»:

***

Կարդացեք նաև՝ լրագրող Բորիս Մուրազիի ֆեյսբուքյան գրառումը․ «Երեկվա բանավեճի մասին։
Իշխանության ներկայացուցիչը իր դասական նիկոլության մեջ էր, ու դա Ալեն Սիմոնյանին հատուկ է։
Իշխանությունն ուներ նաև իր ուղեկցող «էսկորտը»՝ Շիրինյանի կուսակիցը, Բաբաջօղլուի կուսակիցը, Գուրգենի կուսակիցը, ծնելիության հետ խնդիր ունեցած Զավենովնայի կուսակիցը, ԱԱԾ-ի կողմից փախցված Սուրոյի կուսակիցը, քենիացի նարկոբարոնի կուսակիցը։
Կային նաև մի շարք մասնակիցներ, որոնք այդ տաղավար էին եկել պարզապես նկար ունենալու համար։
Հիմնական ընդդիմության դերում էին մեր Աննա Գրիգորյանը, Ուժեղ Հայաստանից Էդգար Ղազարյանը, Բարգավաճ Հայաստանից Արման Աբովյանը, ինչպես նաև՝ ոչ ամբողջական չափով, Միասնության Թևերից Դավիթ Անանյանը։ (Այս գործչին անարդար կերպով հաճախ զրկում էին խոսքից, դրա համար էլ գրել եմ՝ ոչ ամբողջական)։
Իրական ընդդիմադիրները բոլորն էլ լավ գործ արեցին, սակայն ակնհայտ էր, որ հիմնական ընդդիմախոսը Աննա Գրիգորյանն էր, քանի որ Ալենը բառացիորեն շանթահարվում էր նրա խոսքերից։
Եթե բանավեճը լիներ առանց ՔՊ-ի «էսկորտի» և միայն բովանդակային, հիմնական ընդդիմադիր ուժերի ներկայացուցիչների և իշխանության մասնակցությամբ, ապա Ալենը պլստալու ոչ մի վարկյան չէր ունենա»։