Երեկ` մարտի 20-ին, Ճանապարհային ոստիկանութան պետ, Ոստիկանության գնդապետ Արսեն Գալստյանի ցուցումով Ճանապարհային ոստիկանության հատուկ պահպանվող տարածք է տեղափոխվել «Lexus» մակնիշի 77 ՕԼ 777 համարանիշի ավտոմեքենան:

shamshyan.com-ն է գրում այս մասին. ինչպես հայտնում է ֆոտոլրագրող Գագիկ Շամշյանը, նշված ավտոմեքենան պատկանում է Գառնիկ Սողոմոնյանին, ով Ոստիկանության փոխգնդապետ է, իսկ ավտոմեքենան տեղափոխվել է այն բանի համար, քանի որ այն եղել է սահմանված կարգով չհաշվառված տրանսպորտային միջոց, ինչը վարելու իրավունք Ոստիկանության փոխգնդապետը չուներ:

Գ. Շամշյանը հայտնում է, որ Գ. Սողոմոնյանը երկար տարիներ աշխատել է հաշվառման-գրանցման բաժնի պետ և օրենքը մեզնից լավ գիտեր, հետևաբար կարելի է կարծել, որ նա այնքան վստահ է եղել «սեփական ուժերի վրա» և մտածել է, որ Ճանապարհային ոստիկանները ոչ միայն չեն կանգնեցնի իրեն, այլև «չեստ կտան», բայց արի ու տես, որ Ճանապարհային ոստիկանության պետը նրան «պատին դեմ տվեց»: