Լրագրող Նաիրի Հոխիկյանի գրառումը. «Հոկտեմբեր և նոյեմբեր ամիսները ծանր են լինելու Հայաստանի ու հայ ազգի պատմության մեջ։ Բանակցությունները և իրար հաջորդող հանդիպումները միջազգային կազմակերպությունների և գերտերությունների ղեկավարների հետ ոչ մի լավ բան չեն խոստանում մեզ։ Հոկտեմբերի 6-ին հավանաբար կհանդիպեն Նիկոլ Փաշինյանը և Ռեջեփ Էրդողանը՝ վերջնական տեսքի բերելու Հայաստանի անկման գործարքը։
Մեծ Բրիտանիային ու ԱՄՆ-ին պետք են մեր տարածքների հանքերը, որոնց միլիարդների շահագործման լավագույն ճանապարհը թուրքական դարպասն է։
Ռուսաստանը չի պատրաստվում զիջել Հայաստանը, բայց աշխարհաքաղաքական առևտուրը երբեմն մեզ հետին պլան է մղում։ Եթե մենք տեր չենք կանգնում մեր երկրին, ապա բոլորը պատրաստ են հոշոտել մեզ։ Կորցնելու ենք ամեն ինչ, եթե շարունակենք հանրային լռության մեջ մնալ։ Իրական ցավոտն ու ողբերգականը նոր է սկսվում։ Առաջին հերթին հենց ՀՀ համար։ Ու թեպետ դրանից հետո Նիկոլը կփախչի Հայաստանից, բայց դրանից մեր աղետի չափը չի պակասի»։
