«Սուրբ Սարգիսը ինձ համար երկակի խորհուրդ ունի, որովհետև առաջինը Հայ առաքելական եկեղեցին սկսեց ավելի ակտիվացնել խորհուրդը ընկալելու փաստը և մասսայականացնել: Փառք Աստծո ես պատիվ ունեցա լինելու դրա սկզբնաղբյուրի մոտ կանգնած և Արարատյան հայրապետական թեմի հետ այն ժամանակ մեծ սիրով համագործակցելով` համերգների շարք կազմակերպեցինք, որից հետո «Սուրբ Սարգիսը» դարձավ ինձ համար ոչ միայն խորհուրդը հայ առաքելական եկեղեցու այդ գեղեցիկ տոնի, այլև ինձ համար գիտակցվեց որպես հավատքի և հաջողության հետաքրքիր խորհուրդ: Այս տարի հուսով եմ այն կունենա երրորդ` ամենակարևոր խորհուրդը, որն է` աղի բլիթ ուտելը և երազում տեսնել ինձ համար սիրելի մարդու»,-Օպերատիվ.am-ի հետ զրույցում ասել է հեռուստահաղորդավարուհի Նազենի Հովհաննիսյանը, ով հարցին, թե արդյոք կա ինչ-որ մեկը, ում կցանկանար Նազենին տեսնել, հաղորդավարուհին բացասական պատասխան տվեց:
«Աղի բլիթ մի անգամ եմ կերել, երբ տարիներ առաջ մայրս սարքել էր, և երազ չեմ տեսել. փոքր էի, եթե նույնիսկ տեսել եմ, չեմ հիշում: Բայց այս տարի որոշել եմ, որ պետք է ուտեմ: Թող տա Աստված, որ այն մարդը ում կտեսնեմ, նույնիսկ եթե լինի խորհրդավոր, լինի նաև իրական»:
