armsport.am-ը գրում է, որ Բուլղարացիների գլխավոր մարզիչ Լյուբոսլավ Պենեւը աղմուկ-աղաղակով մտավ մամուլի ասուլիսների սրահ եւ սկսեց դժգոհել լուսանկարիչներից, որ մոտ տարածությունից են նկարում: Ի վերջո, Պենեւը եւ նրան ուղեկցող մամուլի քարտուղարը հանդարտվեցին, իսկ մարզիչը սկսեց դժգոհել հանդիպման մրցավարությունից:
- Ինչո՞ւ էր Բուլղարիան այսքան կոպիտ խաղում: Ինչպե՞ս եք գնահատում հնարավորություններն այս խաղից հետո:
- Իհարկե, մեր շանսերն ավելի նվազեցին: Ինչ վերաբերում է իմ թիմին, ապա իմ տղաները խաղացել են խաղի կանոնների շրջանակներում: Հայաստանն արդեն 15-րդ րոպեին կարող էր մնալ 10 հոգով: Ինչ վերաբերում է դեղին եւ կարմիր քարտերին, ապա այս ընտրական փուլի մեկնարկից սկսած, մրցավարները գործում են ընդդեմ Բուլղարիայի: Բավական երկար եմ մտածել եւ եկել եմ այն եզրակացության:
Չգիտեմ, թե արդյոք շաբաթ եւ կիրակի աշխատում է ՖԻՖԱ-ն, բայց ես նամակ եմ ուզում գրել, որ Բուլղարիան այսուհետեւ խաղը սկսեց 9-ը կամ 10 հոգով:
- Պարտության պատճառը միայն մրցավա՞րն էր:
- Ես չեմ մեղադրում ոչ մեկին: Ուղղակի ուզում եմ ասել, որ ֆուտբոլիստները շատ լավ խաղացին:
- Ո՞ր կարմիրն էր անարդար, որ դժգոհում եք մրցավարից:
- Ես չեմ ասում, թե մենք արժանի չէինք կարմիրների: Պարզապես, մրցավարն առաջինը պետք է կարմիր տար հայ խաղացողին, երբ նա խախտեց կանոնները՝ մեր հարձակվողի հետ պայքարում: Այդ դրվագում վերջին հույսի խախտում էր:
Առավել մանրամասն՝ սկզբնաղբյուր կայքում
