Ճապոնական կարատեի ասոցացիայի հրավերով Հայաստանում  է կարատեի աշխարհահռչակ վարպետ Մասաո Կավասոն, ով բացի սեմինարի մասնակցելուց կայցելի Հայոց ցեղասպանության զոհերի հուշահամալիր՝ հարգանքի տուրք մատուցելու անմեղ զոհերի հիշատակին:

«Սա իմ 10-րդ, բայց ամենակարևոր այցելությունն է, Ծիծեռնակաբերդ եմ գնալու: Ցավոք, կատարվածի մասին շատ տեղեկություն չունեմ, բայց հուսով եմ, որ այլևս երբեք ցեղասպանություն չի լինի»,-խուսափելով քաղաքական հարցերից՝ լրագրողների հետ հանդիպման ժամանակ ասաց Մասաո Կավասոն:

Նա ցավով է նշում՝ այդպես էլ հայերեն բառեր չսովորեց, դժվարանում է: Հետաքրքրված է Արարատով.ամեն այցի ժամանակ ցանկանում է նկարել:

Մասաո Կավասոն ծնվել է 1945 թվականին Ճապոնիայում: Սկզբում զբաղվել է ձյուդոյով, սակայն 15 տարեկանում, երբ տեսնում է դրսում  ներկայացվող կարատեի ցուցադրական ելույթները, որոշում է հմտանալ հենց կարատե մարզաձևում:

Նա պարապում է շաբաթը 6 օր: 

Անի Կարապետյան