Պրոֆեսոր Ռաֆայել Թեյմուրազյանի ֆեյսբուքյան գրառումը․ «Հարգելի լրագրողներ ու դիտորդներ, գուցե նաև «ընդդիմադիրներ», վերլուծությունների ու մեղադրանքների ժամանակ դեռ շատ կունենաք, բայց գործընթացը դեռ չի ավարտվել. ԿԸՀ-ն հիմա էլ հայտարարում է, թե մոտ 1.5 միլիոն մասնակցի մեջ ԲՀԿ-ին խորհրդարան անցնելու համար պակասում է 15 քվե։ Սա փոքր հարց չէ, ու կարող է անգամ ճակատագրական լինել երկրի համար։
ԲՀԿ-ի՝ ԱԺ անցնելու դեպքում Փաշինյանին սահմանադրական մեծամասնություն ունենալու համար պակասելու է 9 մանդատ, չանցնելու դեպքում` 6: Առանց սահմանադրական մեծամասնության Փաշինյանը չի կարող Ադրբեջանի պահանջով Սահմանադրություն փոխել, իսկ ԲՀԿ-ի չանցնելը նրան զգալիորեն մոտեցնում է այս կամ այն միջոցներով նման մեծամասնություն ստանալուն։
Մինչև ուշ գիշեր հաղորդումներ կային, որ բանակը քվեարկության ավարտից ժամեր անց էլ դեռ քվեարկում է։ Ընդամենը մեկ ընտրատեղամասում արդյունքների վերանայումը կամ չեղարկումը կարող է փոխել խորհրդարանի պատկերը։
Հայաստանի պատմության մեջ թերևս առաջին անգամ է, որ քվեարկության արդյունքը կասկածի տակ է դնում ոչ թե «ընդդիմությունը», այլ՝ իշխանությունը»։