«Ուժեղ Հայաստանի» վարչապետի թեկնածու Սամվել Կարապետյանը լրատվամիջոցների հետ հանդիպման ժամանակ հայտարարել է, որ շուտով բոլոր ընդդիմադիր ուժերի հետ հանրահավաք կհրավիրեն։ Նա նշել է, որ ցանկանում է՝ այդ հանրահավաքը կոչեն «Ուժեղ և վստահելի հանրահավաք»։
«Միայն այդ դեպքում մենք կարող ենք մեր ժողովրդի իրական աջակցությունը ստանալ»,-նշել է նա։
***
Ավարտվեցին աշխարհի ամենախայտառակ, ամենաանբարոյական կազմակերպված ընտրությունները, և ընդդիմությունը հերթական անգամ, բայց ժամանակավորապես, կրեց պարտություն, հայկական լրատվամիջոցների խմբագիրների հետ հանդիպմանն ասել է «Ուժեղ Հայաստան» կուսակցության առաջնորդ Սամվել Կարապետյանը։
«Իշխանություններն ամբողջությամբ տապալել են նախընտրական գործընթացները, տապալեցին հաշվարկը»,- ասաց Կարապետյանը։
Նա հատուկ ուշադրություն է հրավիրել այն փաստի վրա, որ հաշվարկի ժամանակ գործընթացը մի քանի ժամով կանգնեցվել է.
«Դա լուրջ կասկածի տեղիք է տալիս, որ հաշվարկն ամբողջությամբ արել են իրենց օգտին»։
Դրա համար Կարապետյանը հայտարարում է ընդդիմադիր ուժերի համախմբման գործընթացի մասին։
«Հիմա կարևոր է այդ համախմբումը։ Ինձ թվում է՝ այն ընդդիմադիր ուժերը, որոնց համար թանկ է մեր երկիրը, կարձագանքեն, և մենք կստեղծենք հետընտրական ընդդիմադիր կոալիցիա։ Առաջարկում եմ ստեղծել համակարգող խորհուրդ»,- ասել է Կարապետյանը։
Անդրադառնալով պատգամավորական մանդատները վերցնելու կամ չվերցնելու քննարկումներին՝ նա նշել է, որ պետք է հասկանալ, թե որ տարբերակով է հնարավոր ավելի շուտ «հեռացնել Փաշինյանին իր պաշտոնից»։
«Մենք՝ որպես «Ուժեղ Հայաստան» դաշինք, պատրաստ ենք երկու տարբերակին էլ»։
Նրա խոսքով՝ նպատակը մեկն է՝ թույլ չտալ, որ Փաշինյանը միանձնյա կառավարի և ընդունի «Ալիևի բոլոր նարատիվները» և երկրի համար վտանգավոր նոր Սահմանադրություն։
«Վստահ եմ՝ հաղթանակը մոտ է, պետք է անենք ճիշտ քայլեր։ Առաջարկում եմ դիմենք ԱՄՆ-ի, Ռուսաստանի, Չինաստանի և եվրոպական երկրների ղեկավարներին։ Հուսով եմ, որ այս երկրներից կունենանք արձագանք»,- ասել է Կարապետյանը։
***
|
«Մենք զգուշացրել ենք մեր ժողովրդին վտանգների մասին և շարունակելու ենք զգուշացնել, ինչքան էլ իշխանություններն իրենց հայտարություններով փորձեն կարեն մեր վրա այդ ընտրակաշառքները, տարբեր ձևերով մեզ անվանեն, անվանեն եռագլուխ կուսակցություն»,- ԶԼՄ ներկայացուցիչների հետ հարցազրույցի ժամանակ ասել է «Ուժեղ Հայաստան»-ի առաջնորդ Սամվել Կարապետյանը։ «Իրանք տեսան, որ արդեն եռագլուխը չկա, մենք 500 հազար գլուխ ենք, նույնիսկ 800 հազար գլուխ ենք, եթե հաշվենք նաև փոքր կուսակցությունների ձայները։ Իրենք պետք է գործ ունենան ոչ թե երեք գլխի հետ, իրանք արդեն պետք է գործ ունենան 6-7 հարյուր հազար գլխի հետ և այդ գլուխներն ամեն օր շատանալու են, քանի որ իրենք ամեն օր ձախողվելու են»,- նշել է Կարապետյանը։ |
