footballcity.am: Ռուսաստանի Պրեմիեր լիգայի 16-րդ տուրի կենտրոնական հանդիպման շրջանակներում Մոսկվայի Սպարտակը հյուրընկալել էր Սանկտ-Պետերբուրգի Զենիթին:
Մոսկովյան ակումբի մեկնարկային կազմում խաղադաշտ էին դուրս եկել Հայաստանի ազգային հավաքականի ֆուտբոլիստներ Արաս Օզբիլիզն ու Յուրա Մովսիսյանը: Օզբիլիցը մասնակցեց ողջ հանդիպմանը, իսկ Յուրան խաղաց 58 րոպե սակայն հասցրեց դառնալ հեթ-թրիկի հեղինակ:
Հանդիպումն անցավ գեղեցիկ և դիտարժան պայքարում: Արդեն 2-րդ րոպեին հաշիվը կարող էր բացվե, Էյդեն ՄքԳիդին եզրից փոխանցում կատարեց դեպի Մովսիսյանը, սակայն Յուրան չհասավ գնդակին, իսկ դրանից հետո ձեռքով հարվածեց դարպասաձողին, այդ արարքի համար արժանանալով դեղին քարտի: Զենիթն էլ պակաս հաջող չէր գրոհում և արագ գոլ կարողացավ հեղինակել: 6-րդ րոպեին Կրիշիտոն փոխանցում կատարեց դեպի Կերժակովը, իսկ վերջինս առանց շտապելու գնդակն ընդունեց և հարվածեց հեռավոր անկյունը՝ առաջ մղելով Սանկտ-Պետերբուրգցիներին: Գոլից հետո Զենիթի ֆուտբոլիստները անմիջապես ակտիվացան և 17-րդ րոպեին մրցավարը նշանակեց 11մ հարված: Բելգիացի Վիտսելը մեն մենակ էր մնացել դարպասապահի հետ, իսկ Տինո Կոստան հասնելով խախտեց խաղի կանոնները՝ հարվածելով Վիտսելի ոտքերին: Սակայն գնդակի մոտեցավ Հալկը և չկարողացավ գրավել դարպասը: Նշենք, որ Հալկը արդեն երկրորդ հանդիպումն անընդմեջ չի իրացնում 11մ հարվածները, նախորդ խաղում էլ նա չկարողացավ գրավել Պորտուի դարպասը: 11մ հարվածից հետո Սպարտակի ֆուտբոլիստները ոգևորվեցին՝ իրենց դարպասապահի հիանալի խաղով և իրենք էլ նետվեցին գրոհի: 32-րդ րոպեին էլ Յուրա Մովսիսյանը հավասարեցրեց հաշիվը: Առաջին խաղակեսի ավարտից մեկ րոպե առաջ Մովսիսյանին հաջողվեց ևս մեկ գնդակ ուղարկել Զենիթի դարպասը և թիմերն ընդմիջման գնացին:
Երկրորդ խաղակեսի մեկնարկում Յուրան երրորդ գնդակն ուղարկեց մրակցի դարպասը՝դառնալով հեթ-թրիկի հեղինակ, այս անգամ հիանալի փոխանցման հեղինակ դարձավ Տինո Կոստան: 58-րդ րոպեին էլ Կարպինը հանգիստ տվեց իր թիմի առաջատարին և Յուրային փոխարինեց Լուկաս Բարիոսը: Յուրայի խաղադաշտը լքելուց հետո Զենիթի ֆուտբոլիստները նոր ստիմուլ ստացան և կրկնապատկված եռանդով նետվեցին գրոհի: 64-րդ րոպեին էլ Հալկն ուղղեց իր սխալը՝ դառնալով գոլի հեղինակ: Սակայն հանդիպման վերջնական հաշիվը ձևակերպեց Գլուշակովը՝ 84-րդ րոպեին:
Սպարտակ-Զենիթ՝ 4-2
| # | ԹԻՄԵՐ | Խ | Հ | Ո | Պ | ԽԳ | ԲԳ | +/- | Մ |
|---|---|---|---|---|---|---|---|---|---|
| 1 | Զենիթ | 16 | 11 | 3 | 2 | 37 | 16 | +21 | 36 |
| 2 | Լոկոմոտիվ Մոսկվա | 16 | 10 | 3 | 3 | 33 | 15 | +18 | 33 |
| 3 | Սպարտակ Մոսկվա | 16 | 10 | 3 | 3 | 30 | 18 | +12 | 33 |
| 4 | ԲԿՄԱ | 16 | 9 | 3 | 4 | 23 | 18 | +5 | 30 |
| 5 | Դինամո Մոսկվա | 16 | 8 | 5 | 3 | 27 | 20 | +7 | 29 |
| 6 | Կրասնոդար | 16 | 8 | 3 | 5 | 26 | 21 | +5 | 27 |
| 7 | Ամկար | 16 | 7 | 6 | 3 | 19 | 14 | +5 | 27 |
| 8 | Կուբան | 16 | 6 | 5 | 5 | 23 | 20 | +3 | 23 |
| 9 | Ռոստով | 16 | 5 | 5 | 6 | 21 | 23 | -2 | 20 |
| 10 | Վոլգա | 16 | 5 | 2 | 9 | 15 | 29 | -14 | 17 |
| 11 | Կրիլյա Սովետով | 16 | 3 | 8 | 5 | 16 | 21 | -5 | 17 |
| 12 | Ռուբին | 16 | 3 | 8 | 5 | 17 | 14 | +3 | 17 |
| 13 | Տոմ | 16 | 3 | 3 | 10 | 11 | 25 | -14 | 12 |
| 14 | Ուրալ | 16 | 2 | 5 | 9 | 14 | 31 | -17 | 11 |
| 15 | Թերեք | 16 | 1 | 6 | 9 | 8 | 19 | -11 | 9 |
| 16 | Անժի | 16 | 0 | 6 | 10 | 12 | 28 | -16 | 6 |
