Փաստաբան Ռոման Երիցյանը ֆեյսբուքյան իր էջում գրում է․ «Տարօրինակ զանգեր ենք ստանում թե՛ ես, թե՛ քաղաքացիության ընդունման հարցով նախկինում արցախցիներին աջակցած մեր աշխատակիցները։ Զանգահարողները ներկայանում են որպես արցախցիներ և փորձում են ինչ-որ աջակցություն խնդրել՝ միաժամանակ շեշտելով, թե իրենց ձայնն անպայման տալու են Սամվել Կարապետյանին։
Այո՛, հենց այդպես էլ ասում են։
Հարգելի՛ բանսարկուներ, արցախցու բարբառը նմանակելն այդքան էլ հեշտ գործ չէ։ Մի փորձեք, պարզապես «պալիտ եք լինում»։
Իսկ քաղաքացիություն ընդունած արցախցին իր ընտրությունը կատարելու է գիտակցված ու առանց որևէ նախապայմանների։ Եվ այդ ընտրությունը լինելու է «Ուժեղ Հայաստան» կուսակցության օգտին։
Ինչո՞ւ։
Որովհետև դա ընտրություն է արժանապատվության, անվտանգության և կայուն ապագայի օգտին»։