Մեկական գրառում հաղորդավարուհի Թինա Կանդելակիի Twitter-ի ու Facebook-ի էջերից:
Twitter-ում Կանդելակին գրել է. «Քարդաշյան քույրերն ամեն ինչ ցույց տվեցին:Ձեր կարծիքով՝ դա նորմա՞լ է»:
Խոսքը, թերևս, Քորթնի Քարդաշյանի մասին է, ով ծննդաբերել էր այս հուլիսին, սակայն այսօր ծննդաբերությունը ֆիքսած տեսանյութը հայտնվել է Քարդաշյանների իրապատում շոուի ուղիղ եթերում:
Իսկ Facebook-ի իր էջում Կանդելակին, պատասխանելով ռուսաստանցի ռադիոհաղորդավարուհի Քսենիա Լարինային, ով իրեն «գաստարբայտեր» («խոպանչի») էր անվանել, գրել է, որ ճիշտ է` ինքը ռուսաստանցի չէ ծագումով, ինչպես ևս հարյուր հազարավոր այլ մարդիկ, որոնք Ռուսաստանն իրենց հայրենիքն են համարում, «աակայն նրանք կարծիքի իրավունք չունեն, որովհետև հնարավոր է՝ Պուտինի կողմից են: Արդեն միայն դրա համար նրանց կարելի է հայ պոռնիկներ, քաշող գաստարբայտերներ և ամեն հնարավոր բան անվանել»:
Հիշեցնենք, որ ամիսներ առաջ Թինա Կանդելակին «Русский пионер» հաղորդման ժամանակ պատմել էր հայկական իրականությունների ու ճոխությունների մասին` սկսած սիրահար զույգերի հարաբերություններից, վերջացրած` հայերի հպարտություն համարվող աշխարհահռչակ դեմքերից` Շառլ Ազնավուր, Անդրե Աղասի, Շեր: Վերջիններս, ըստ Թինա Կանդելակիի Երևանում բնակարան ունեն. այդ մասին նրան պատմել են իր երևանցի ընկերները: Կանդելակիին հիշեցրել էր, որ հայերը Los Angeles-ը ոչ պաշտոնապես անվանում են Los Armenios, իսկ Լաս Վեգասի ամենահայտնի կազինոներն ու հյուրանոցները պատկանում են Քըրք Քըրքորյանին: Բացի այդ, Թինա Կանդելակին հիշեցրել է, որ սև խավիարի ամենամեծ մատակարարն աշխարհում Պետրոսյան եղբայրներն են, իսկ ռուսական հեռուստատեսությունում այսօր ճաշակ ու բովանդակություն են թելադրում հայերը: Ռաբիզ երգիչ Արմենչիկի հետ հանդիպումն այնքան է տպավորել Թինա Կանդելակիին, որ հաղորդավարուհին նրան է նվիրել իր« ելույթի» մի մասը:
