Արդյո՞ք վիճահարույց տեսանյութի հեղինակը սփյուռքահայ Արեգ Մոհիբյանն է:
ԳԱԼԱtv-ին է գրում ու նշում, որ Ժառանգություն կուսակցության փոխնախագահ Արմեն Մարտիրոսյանը չի հերքել և նաև չի հաստատել՝ ասելով. «Ես ոչ մի բան էլ չեմ ասում»:
Խոսքը այսօր առավոտյան համացանցում հայտնված տեսանյութի մասին է, որը նկարահանվել է ապրիլի 9-ին ոստիկանական մեքենայում, երբ Արմեն Մարտիրոսյանին բերման էին ենթարկում ոստիկանության բաժին:
Հիշեցնենք, որ Ա. Մարտիրոսյանը տեսանյութում ասում էր, որ իրենց կաշառք են առաջարկել, բայց քաղաքական իրենց թիմը չի կաշառվել: Ա. Մարտիրոսյանը ԳԱԼԱ-ի հետ զրույցում հերքել էր, թե տեսանկարահանումը արել են ոստիկանները՝ հավելելով, որ նկարողը ցուցարար է, ինքը տեղյակ էր նկարահանման մասին ավելի վաղ, և որ նկարողը «մի հատ ընտիր տղա է»:
Ապրիլի 9-ին, ՀՀ ոստիկանապետ Վ. Գասպարյանի հետ զրույցի ժամանակ Րաֆֆի Հովհաննիսյանի ավագ որդին՝ Կարինը, թվարկում է այն մարդկանց անունները, որոնց բերման են ենթարկել, և Ա. Մարտիրոսյանի անվան կողքին թվարկում է նաև «Արեգ Մոհիբյան» անուն ազգանունը. Արեգ Մոհիբյանը Կարինի սփյուռքահայ ընկերն է:
