ՀՀ վարչապետ Նիկոլ Փաշինյանn ուղիղ եթերով խոսել է Արցախում ստեղծված իրավիճակի մասին՝ նշելով, որ ուժային կառույցների ներկայացուցիչների պահվածքն, իհարկե, դատապարտելի և անընդունելի է:
Նիկոլ Փաշինյանը նշել է, որ այս ընթացքում մշտական կապի մեջ է եղել Արցախի ղեկավարների հետ:
Մանրամասները՝ տեսանյութում:
Հիշեցնենք, որ համացանցում տարածվել էր Ստեփանակերտում ԱԱԾ հատուկ ջոկատայինների և քաղաքացիական անձանց միջեւ բախման տեսանյութը:
Այն կատարվել էր ավտոլվացման կետում, որը պատկանում է միջադեպի ժամանակ ծեծված երկու քաղաքացիներից մեկին:
Հիշեցնենք, որ դեպքի հետ կապված բողոքի ակցիա էր սկսվել Արցախի մայրաքաղաքի կենտրոնական փողոցներից մեկում, որի մասնակիցները պահանջում էին ուժային նախարությունների ղեկավարների հրաժարականը:
Արցախի ոստիկանությունը հայտարարություն էր տարածել, որ խնդիրը պետք է քննարկվի միայն իրավական տիրույթում և դրա քաղաքականացումն անթույատրելի է:
Դեպքի հետ կապված հայտարարարություն էր տարածել նաև Հայաստանի առաջին նախագահ Լևոն Տեր-Պետրոսյանը՝ նշելով , որ այն, ինչ տեղի ունեցավ Հայաստանում, մեղմ ասած, անթույլատրելի է Ղարաբաղում: «Նկատի ունեմ բողոքի զանգվածային գործողությունները և ճնշումները ԼՂՀ իշխանությունների վրա:Պատերազմական վիճակում գտնվող պետության համար դրանք կարող են աղետալի հետևանքներ ունենալ: Փակագծերը չեմ ուզում բացել, հետևանքները, վստահաբար, պարզ են ցանկացած բանական մարդու համար»,-նշել է Լևոն Տեր-Պետրոսյանը:
