Արդեն տեղեկացրել ենք, որ հունիսի 30-ին, ժամը 10.15-ին, «Պերինատոլոգիայի, մանկաբարձության և գինեկոլոգիայի ինստիտուտից» ահազանգ է ստացվել ոստիկանության Մաշտոցի բաժին, որ մի տղամարդ բարձրացել է չորրորդ հարկ և հիվանդասենյակներից մեկում կրակել կնոջ վրա:
Մեկնած օպերատիվ խումբը պարզել է, որ 1982 թվականին ծնված Հայկ Վարդանյանը հիվանդասենյակում երկու անգամ կրակել է իր կնոջ ուղղությամբ` վնասվածքներ պատճառելով պարանոցի և ուսի շրջանում, ապա ինքնասպան է եղել` կրակելով իր կրծքին:
Ստորև ներկայացնում եք Միլենա Ասատրյանի և Հայկ Վարդանյանի լուսանկարները, որոնք վերջիններս տեղադրել էին սոցիալական ցանցերի իրենց էջերում:
Հավելենք նաև, որ Միլենա Ասատրյանի վիճակը գնահատվում է ծանր կայուն: Հեմոդինամիկ ցուցանիշները պահպանվում են: Այս մասին Asekose.am-ի հետ զրույցում ասել է ՀՀ ԱՆ գլխավոր մանկաբարձ-գինեկոլոգ Ռազմիկ Աբրահամյանը:
Վերջինս նաև նշել է, որ կնոջ գիտակցությունը պահպանվել է, սակայն վիճակը դեռ ծանր է և գտնվում է դեղորայքի ազդեցության տակ:
«Երեխան ևս գտնվում է նույն վիճակում՝ կայուն ծանր: Նա ծնվել է վաղահաս և ներարգանդային թոքաբորբով»,-ասաց բժիշկը:
