▲ Դեպի վեր

lang.iso lang.iso lang.iso

Հինն ու նորը... և ասեկոսեն, որ հավաստի է դառնում

Մեկնարկում է Asekose.am-ի թիմի կողմից պատրաստվող հեռուստահաղորդումների նոր եթերաշրջանը, որոնք մեր կայքից բացի հնարավոր է դիտել  նաև  ArmNews հեռուստաընկերությամբ   և  ԱՄՆ-ում հեռարձակվող PanArmenian TV-ով:

Շուրջ 3.5 տարի հեռարձակվող Փոփ Արտ հեռուստանախագիծը շարունակելու է սկանդալային պատմությունների բացահայտումները:

 

 

 

 

 

 

 

 

 

Նախագծի հաղորդավարուհիներ Անահիտ Հարությունյանն ու  Սաթենիկ Խաչատրյանը շարունակելու են  բացահայտել  շոուբիզնեսյան հայելու հակառակ կողմը, բարձրաձայնելու են  հարցերի մասին, որոնք միգուցե շատերին են հետաքրքրել, սակայն երբեք չեն հնչել: Նրանք իրենց տեսադաշտում են պահելու հայկական շոու բիզնեսում տեղի ունեցող բոլոր բացահայտ ու թաքուն իրադարձությունները:

Նոր եթերաշրջանում Փոփ Արտ հաղորդման առաջին հյուրը լինելու է ամերիկաբնակ երգչուհի Անի Քրիստին, ով հաղորդման շրջանակներում անկեղծացել է մի շարք թեմաների մասին՝ ամուսնության, ամուսնալուծության մանրամասների, աշխատանքային տևական դադարի, Հայաստանում անցկացրած իր օրերի, մոր հետ սպասված հանդիպման:

Հաղորդումը եթեր է հեռարձակվելու կիրակի օրը՝ ժամը 15:45, կրկնությունը՝ հինգշաբբթի՝ 16:10: 

Շաբաթվա կարևորագույն իրադարձությունները և դրանց մասին համացանցի ու մամուլի արձագանքը մեկ հաղորդման մեջ ամփոփ տեսքով շարունակելու է ներկայացնել ԹՈՓ ՏԵՍ հաղորդումը, որն արդեն ունի նոր հաղորդավարուհի՝ Անի Հարությունյանը:

Ինչից սկսվեց և ուր հասավ...Մենք Ձեզ կպատմենք՝ առանց ավելորդ խմբագրման ու մեկնաբանության: Իսկ ինչ դուրս մնաց մեր դիտակետից` կներկայացնենք հաջորդ հաղորդման ընթացքում:

Հաղորդումը եթերում է լինելու կիրակի՝ 17:30, կրկնությունը՝ երկուշաբթի՝ ժամը 09.00-ին: 

 

 

 

 

 

 

 

 

 

CV հաղորդման հեղինակ և վարող Լիլիթ Հակոբյանը շարունակելու է իր անկեղծ զրույցները հայտնի մարդկանց հետ: Այս հաղորդումը հատուկ շեշտադրումներ չունի, պարզապես փորձում է հյուրերին ներկայացնել այն կողմից, որը դեռևս հեռուստադիտողի համար բացահայտված չէ: Հաղորդման գլխավոր նպատակը ջերմ միջավայրում մտերմիկ զրույց ունենալն է:

Նոր եթերաշրջանում CV հաղորդման առաջին հյուրը երգչուհի Նունե Եսայանն է: Վերջինս անդրադարձել է իր անվան շուրջ պտտվող քննադատություններին, իրեն՝ «երկաթյա լեդի» վերագրելու խոսակցություններին, ստեղծագործական գործունեությանը, ինչպես նաև իր և Ավո Խալաթյանի միությանը վերաբերող քննարկումներին: Ավելին, Նունե Եսայանը նաև մեկնաբանել է, թե ինչու է վախենում օրինականացնել իր հարաբերությունները սիրելի տղամարդու հետ: 

Հաղորդումը եթեր է հեռարձակվելու շաբաթ օրը՝ ժամը 12:30-ին, կրկնությունը՝ երեքշաբթի՝ 16:10-ին: 

 

 

 

 

 

 

 

 

 

 

«Բացարձակ արժեք» հաղորդումը նույնպես շարունակելու է եթեր հեռարձակվել, սակայն արդեն նոր ձևաչափով. հաղորդումը վարելու են 2 տարբեր սերնդի ներկայացուցիչներ՝ գրող Արմեն Շեկոյանն ու Արման Խարազյանը: Նրանք` որպես տարբեր սերնդի ներկայացուցիչներ, հաղորդման շրջանակներում հարցերի միջոցով ներկայացնելու են հայտնի մարդկանց գործունեության հետ կապված որոշակի կողմեր, պարզաբանելու են նրանց տեսակետներն այս կամ այն  հարցի վերաբերյալ:

Հաղորդումը եթերում է լինելու շաբաթ օրը՝ 16:15-ին, կրկնությունը՝ չորեքշաբթի 16:25-ին:

«Բացարձակ արժեքի»` նոր եթերաշրջանի  առաջին հյուրը ֆոտոլրագրող Գագիկ Շամշյանն է, ով խոսում է լրագրության ոլորտում իրեն օգնած մարդկանց, իր մանկության տխուր և ուրախ հիշողությունների, մասնագիտական գործունեության մեջ` «ամենահասության» և Վանո Սիրադեղյանի՝ իրեն բնակարան նվիրելու  պատմության մասին:

 

 

 

 

 

 

 

 

Asekose.am-ի աշխատակիցներից  Անի Միրաքյանը, ում, վստահ ենք, որ ճանաչում են թե՛ մեր ընթերցողները, թե՛  հեռուստադիտղները, մեր թիմին  կմիանա ավելի ուշ, քանի որ պատրաստվում է մայրանալ:

 

 

 

 

 

 

 

 

 

 

Շուտով մեր թիմին կմիանա նաև հեռուստահաղորդավարուհի Մերի Շահինյանը, ում հետ միասին ներկայացնելու ենք նոր հաղորդում` «Կտոր Մը Հայաստան»:

 

 

 

 

 

 

 

 

 

Իսկ մինչ Asekose.am-ը կշարունակի հետևել օրվա լրահոսին` ներկայացնելով  հարցազրույցներ ու ռեպորտաժներ, ինչպես նաև կպատմի օրվա կարևորագույն դեպքերի ու աչքի ընկնող դեմքերի մասին, մեր թիմին միացած երիտասարդ ռեփերներ Արմեն Աբրահամյանն ու Էմանուել Սիսակյանը պարբերաբար կներկայացնեն RAP լուրեր`յուրօրինակ ոճով պատմելով քաղաքական, շոուբիզնեսյան ու այլ ոլորտների ասեկոսեների մասին  և  ոչ միայն... Ի դեպ, առաջին ռեփ-լուրը հենց Asekose.am-ի մասին է` երբ ասեկոսեն հավաստի է դառնում...

Պրեմիերան` շուտով

 

 

 

 

 

 

 

 

 

Հեղինակ` Լիլիթ Նավասարդյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Բլոգ ավելին