Օրերս Նիդերլանդներում հայ առաքելական եկեղեցու պաշտոնազուրկ արված հոգևոր հովիվ Տեր Արամ քահանա Մելքոնյանը տեսանյութ-կոչ է հրապարակել՝ այն անվանելով «Անկեղծ խոսք. մեր երազած Հայաստանը»: Տեսանյութի միջոցով նա դիմում է իր հոգևոր եղբայրներին, բոլոր եկեղեցականներին՝ հորդորելով նրանց կանգնել արդարության կողքին և այցելել վիրավոր բանտարկյալներին, իսկ դատավորներին խնդրում է չծախել խիղճը և արդարությամբ դատել «այս ծռերը» («Սասնա Ծռերի» կալանավորված անդամներին):
Հավելենք, որ Տեր Արամ քահանա Մելքոնյանը նաև Բելգիայի, Հոլանդիայի, Գերմանիայի հեռավոր քաղաքներում գտնվող հայկական համախմբումների քարոզիչն է: Պաշտոնից զրկվելով հանդերձ` Տեր Արամը կարգազուրկ չի հռչակվել, քանի որ նա թեև գտնվում է Մայր աթոռի հայրապետական պատվիրակության կազմում, բայց ենթարկվում է Կիլիկիո կաթողիկոսարանին: Այնպես որ` Մայր աթոռ Էջմիածինը չի կարող նրան կարգազուրկ անել:
