Դերասան Արմեն Ջիգարխանյանը վստահ է, որ կինը` Վիտալինա Ցիմբալյուկ-Ռոմանովսկայան շուտով կփախչի Ռուսաստանից: Այս մասին դերասան ասել է «Московскому комсомолец» թերթին տված հարցազրույցի ժամանակ:
«Նա ինքն է ամեն ինչ իր անունով գրել: Նա կփախչի Ուկրաինա, չէ որ նա Կիևից է: Այս ամենը շատ ավելի լուրջ ու սարսափելի է, քան կարելի է պատկերացնել»,- ասել է դերասանը:
Վերջինիս խոսքով` կինը, ով իր թատրոնի տնօրենի պաշտոնն է զբաղեցնում ներկա պահին, նույնիսկ հրամայել է իրեն ներս չթողնել:
Ջիգարխանյանն ասել է նաև, որ հիվանդանոցից դուրս գրվելուց հետո ինքը հանդիպելու է Մոսկվայի քաղաքապետ Սերգեյ Սոբյանինի հետ, ում ինքը դիմել է խնդրանքով` օգնել իրեն հեռացնել կնոջը թատրոնի տնօրենի պաշտոնից:
ԽՍՀՄ ժողովրդական արտիստը հայտարարել է նաև, որ եթե քաղաքապետը չկարողանա օգնել իրեն, ինքն անձամբ կդիմի նախագահ Վլադիմիր Պուտինին:
Հիշեցնենք, որ ավելի վաղ Արմեն Ջիգարխանյանը ոստիկանությունում հաղորդում է տվել` կնոջ՝ դաշնակահարուհի Վիտալինա Ցիմբալյուկ-Ռոմանովսկայային մեղադրելով իրեն սպանելու փորձի համար: Ռուսական առաջին ալիքի եթերում դերասանն ասել է. «Այդ կինը` Վիտալինան, ինձ անարդար ձևով շատ մեծ ցավ է պատճառել: Ես այս պահին պատրաստ չեմ նրան ներելու: Վստահ ասում եմ` ոչ: Նա իրեն ճղճիմ ձևով է պահել, նա գող է, այլ ոչ թե մարդ»,- ասել է Ջիգարխանյանը` հավելելով, որ իրենից 44 տարով երիտասարդ կնոջ հետ կոնֆլիկտի մանրամասները կպատմի հիվանդանոցից դուրս գրվելուց հետո:
Կարդացեք նաև` Ես 82 տարեկան եմ, բայց գնալու տեղ չունեմ. ո՞ւր եմ հասել. Արմեն Ջիգարխանյանի կինը նրան անօթևան է թողնում
Նա գող է, այլ ոչ թե մարդ. Արմեն Ջիգարխանյանը պատմել է ողջ ճշմարտությունը կնոջ հետ կոնֆլիկտի մասին
