Վարչապետ Նիկոլ Փաշինյանի «բանակից ազատված» զորակոչիկներին գնալ ծառայելու կոչը՝ սպասված արդյունքները ուշացնել չի տալիս: Այսօր արդեն Գյումրիից Ռոբերտ Կարապետյանը վարչապետի ֆեյսբուքյան գրառման մեկնաբանությունում պատմել է իր բանակից ազատվելու պատմությունը, թողել կոնտակտային տվյալները, և հավելել, որ պատրաստ է գնալ ծառայության:
Ռոբերտ Կարապետյանի մեկնաբանությունը ներկայացնում ենք ստորև. «Բարև ձեզ, իմ անունն է Ռոբերտ Կարապետյան և ես ուզում եմ բարձրաձայնել իմ այսպես ասած խնդիրը և ակնկալում եմ, որ Դուք ինձ կօգնեք այդ հարցում: Ես 26 տարեկան եմ, ամուսնացած չեմ, և չեմ ծառայել իմ հայրենիքին՝ շինծու հիվանդության պատճառով, և զղջում եմ կորցրած տարիների համար: Դա այն տարիներն էր, որ պատանիների բերանում այս նախադասությունն էր՝ «Ում համար գնանք ծառայենք, եթե ապագա չկա և հարուստների տղաները կյանքն են վայելում»: Հիմա շատ ոգևորված եմ այս իրադարձություններից, և ուզում եմ լրացնել այդ բացը՝ որոշելով, որ պետք է գնամ և ծառայեմ իմ հայրենիքին: Խնդրում եմ oգնել ինձ այդ հարցում, քանի որ ինձ տրված է զինգրքույկ, որով ես անպիտան եմ համարված ծառայությանը:
Ես լիարժեք առողջ եմ և մեկ տարի պատանեկան հասակում ծառայել եմ Մոնթե Մելքոնյանի անվան վարժարանում, այնուհետև հանգամանքների բերումով դուրս եմ եկել վարժարանից, բացի դրանից սովորել եմ նաև ավտոդպրոցում, ացնելով բոլոր բուժզննումները»:
Կարդացեք նաև` «Իմ որդին նույնպես պետք է մեկնի բանակ». Նիկոլ Փաշինյանի կոչը արտերկրում գտնվող և «բանակից ազատված» զորակոչիկներին
Կարդացեք նաև` Նիկոլ Փաշինյանը հակառակորդի համար կդառնա՞ խոցելի, եթե որդին Արցախում ծառայի. մեկնաբանում է Արծրուն Հովհաննիսյանը
