Արդեն տեղեկացրել ենք, որ ВИА Гра խմբի նախկին անդամ, ուկրաինացի երգչուհի Վերա Բրեժնևան Երևանում է: Նա Արևելյան Եվրոպայում և Կենտրոնական Ասիայում ՄԱԿ-ի ՄԻԱՎ/ՁԻԱՀ-ի հարցերի համատեղ ծրագրի բարի կամքի դեսպանն է և մասնացելու է ընդդեմ ՄԻԱՎ/ՁԻԱՀ-ի անցկացվող միջոցառումներին ու ֆոտոսեսիային, որը հովանավորվում է ՄԱԿ-ի երևանյան գրասենյակի կողմից:Վերա Բրեժնևան ՄԱԿ-ին օգնում է հաստատել ու արժևորել կանանց իրավունքները` ՄԻԱՎ-ի դեմ պայքարում:
Այսօր Բրեժնևան հանդիպել է ՀՀ առողջապահության նախարար Արմեն Մուրադյանի հետ և հանդիպման ընթացքում նշել է. «Իմանալով ձեր արձանագրած վիճակագրական տվյալները հպարտանալ կարելի է: Նման տեմպերով շարունակելու դեպքում 5 տարում հնարավոր կլինի ամբողջովին կանխել համաճարակը: Այդ պատճառով էլ առաջինը Հայաստան եմ այցելել»:
Լուսանկարը` Արմենպրեսի
