Asekose.am-ի տարվա ամփոփիչ բլից հարզացրույցին պատասխանել է երգչուհի Քրիստինե Պեպելյանը:

-Սիրո՞ւմ եք Նոր տարին… Եթե այո, ապա ինչո՞ւ:

-Իհարկե, սիրում եմ… Նոր տարին շատ լավ խորհուրդ ունի իր մեջ…Նոր աշխատանքներ, հույսեր:

-Ինչպիսի՞ն էր 2014-ը Ձեզ համար:

-Շատ բեղմնավոր տարի էր, շատ հագեցած: Հասցրեցի շատ աշխատանքներ ավարտին հասցնել:  Ես գոհ եմ:

-Ձեր կյանքի ամենաուրախ և հիշվող Նոր տարին:

-Երևի, մանկության Նոր տարիներն ամենահիշարժանն էին: Նվերներ, Ձմեռ պապիկ…Մանկության Նոր տարիները հեքիաթի են նման:

-Ձեր կյանքի ամենատխուր Նոր տարին:

-Փառք Աստծո տխուր Նոր տարի չի եղել ու հուսամ, որ չի էլ լինի:

-2014-ի ամենակարևոր իրադարձությունը:

-2014-ին շատ հաճելի իրադարձություններ են եղել, դրանցից որևէ մեկը չեմ կարող առանցնացնել, բայց կարող եմ ասել, որ անչափ ուրախ ու երջանիկ եմ, որ բազմաթիվ օգտակար լինել:

-2014-ի կորուստը:

-Ցավոք, եղան նաև կորուստներ… Մենք կորցրեցինք մեր մի քանի հերոս զինվորների, ինչը մեծ դժբախտություն էր բոլորիս համար… Մեր հերոս տղաների ընտանիքներին համբերություն եմ մաղթում:

-Ի՞նչ էր պակասում Ձեզ 2014-ին:

-Ինչպես միշտ ժամանակը, կան աշխատանքներ, որոնք անավարտ մնացին: Հուսամ 2015-ին կկարողանամ ավարտին հասցնել:

-Որտե՞ղ և ո՞ւմ հետ եք անցկացնելու Նոր Տարին:

-Նոր տարին կլինի աշխատանքային, կերգեմ մեր հայրենակիցների համար. նրանց հետ էլ ուրախ տրամադրությամբ կդիմավորենք Նոր տարին:

-Ի՞նչ նվեր եք ցանկանում Ձմեռ պապիկից:

-Ուրախ տրամադրություն եմ ուզում. ինչպես նաև, որ ընտանիքները դիմավորեն իրենց զինվորներին:

-Ի՞նչ է եք ակնկալում 2015-ից:

-Ուզում եմ, որ 2015-ին իմ սիրելի ու հարազատ մարդիկ կողքիս լինեն…առողջ ու կայացած: Շնորհավոր Նոր տարի, ժպտանք եկող տարվան ու թող այն լինի մեր ամենաուրախ տարին:

Հեղինակ` Լիլիթ Հակոբյան