Որոշ ժամանակ առաջ համացանցում հայտնվեցին տեղեկություններ, ըստ որոնց՝ լեգենդար դերասան Արմեն Ջիգարխանյանը բնակվում է Մոսկվայի իր՝ դրամատիկական թատրոնի ղեկավար 33-ամյա Վիտալինա Ցիմբալյուկ-Ռոմանովսկայայի հետ: Զույգն ամեն կերպ փորձում էր թաքցնել իրենց հարաբերությունները մինչ այն պահը, երբ Ջիգարխանյանն անկեղծացավ և վերջապես պատմեց իր և Վիտալինայի սիրային հարաբերությունների մասին:
Օրերս Վիտալինան, հետևելով Ջիգարխանյանի օրինակին, ռուսական ԶԼՄ-երից մեկին տված հարցազրույցում առաջին անգամ խոսել է այս թեմայով՝ պատմելով.
«Մեր մտերմության մասին շատ քչերը գիտեին՝ Արմեն Բորիսևվիչի ամենամտերիմ ընկերները և նրա քույրը: Իսկ ահա թատրոնում ոչ ոք չգիտեր մեր հարաբերությունների մասին: Պետք է ասեմ, որ ամեն ինչ կարող էր հենց այդպես էլ շարունակվել, եթե Արմեն Բորիսևվիչը կրկին չհիվանդանար»,- խոստովանել է Վիտալինան իր էքսկլյուզիվ հարցազրույցում:
Ըստ Ռոմանովսկայայի խոսքերի՝ լեգենդար դերասանը միայնակ է մնացել այդ իրավիճակում, բայց, այդուհանդերձ, չի ցանկացել նրան ներգրավել իր խնդիրների մեջ, սակայն այդ անգամ այնպես է ստացվել, որ Ջիգարխանյանի կողքին, բացի Վիտալինայից, ոչ ոք չի եղել:
Վիտալինան հարցազրույցի ընթացքում նշել է, որ Ջիգարխանյանի հիվանդությունը համարում է իրենց կյանքի նոր սկիզբը: Առողջանալուց հետո դերասանը կրկին սկսել է նկարահանվել, խաղալ թատրոնում և աշխատել նույն աշխուժությամբ:
«Ես իմ առջև նպատակ չէի դրել ամեն կերպ գրավել Արմեն Բորիսևվիչի սիրտը, սակայն երբ զագցմունքներն իրական են, ապա հաղթահարել ինչ-որ խոչընդոտներ, այդքան էլ դժվար չի լինում: Ես ցանկանում եմ, որպեսզի Ջիգարխանյանը դեռ շատ երկար ապրի և աշխատի, և ինքս էլ միշտ կլինեմ նրա կողքին»,- ասել է դերասանի 33-ամյա սիրեցյալը:
