▲ Դեպի վեր

lang.iso lang.iso lang.iso

Արման Աղաջանյանի և Էռնա Յուզբաշյանի «Խենթ ձմեռ» հին երգի նոր տեսահոլովակը` շուտով

Շուտով ամերիկաբնակ երգիչներ Էռնա Յուզբաշյանը և Արման Աղաջանյանը հանդիսատեսի դատին են հանձնելու իրենց համատեղ նոր` «Խենթ ձմեռ» անվանումով տեսահոլովակը: Այս մասին փաստում է նաև Արման Աղաջանյանի ֆեյսբուքյան էջը, որում Էռնա Յուզբաշյանի հետ նոր լուսանկարներ է հրապարակել` ակնարկելով սպասվող տեսահոլովակի մասին: Նշենք, որ Արման Աղաջանյանն առաջին անգամը չէ, որ հայկական շոու-բիզնեսի իգական սեռի ներկայացուցիչների հետ զուգերգով է հանդես գալիս, ավելին` դրանք որպես կանոն միշտ մեծ մասսայականություն են վայելում:

Asekose.am-ի թղթակիցը Էռնա Յուզբաշյանի և Արման Աղաջանյանի նոր տեսահոլովակի մասին տեղեկատվություն ստանալու նպատակով կապ հաստատեց ամերիկաբնակ երգչի հետ:  Վերջինս տեղեկացրեց, որ տվյալ երգի երաժշտության հեղինակն Արտաշես Կարտալյանն է, խոսքերը գրել է  Եվգենյա Պոլպոնոգովան,  տեսահոլովակի ռեժիսորն էլ Վարուժան Գրիգորյանն է: Միաժամանակ  Արմանը շնորհակալություն հայտնեց ուշադրության համար, սակայն նշեց, որ տեսահոլովակի մասին այլ մանրամասներ կներկայացնի, երբ  այն պատրաստ կլինի:

Տեղակացնենք նաև, որ Արման Աղաջանյանի և Էռնա Յուզբաշյանի «Խենթ ձմեռ» երգը նոր չէ. երգչի յութուբյան պաշտոնական ալիքում այն ներբեռնվել է  դեռևս 2012 թվ.-ին:

Հեղինակ` Լիլիթ Հակոբյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին