Այս պահին «Էրեբունի» բժշկական կենտրոնում տեղի է ունենում դերասանուհի Ջուլիա Սաղաթելյանի վիրահատությունը: Asekose.am-ի հետ զրույցում Ջուլիայի մայրը՝ տիկին Լաուրան ասաց, որ բարդ վիրահատությունն սկսվել է ժամեր առաջ, սակայն դեռ չի ավարտվել:
Տիկին Լաուրան նաև շնորհակալություն հայտնեց մարդկանց, ովքեր օգնեցին և անհրաժեշտ գումարը տրամադրեցին Ջուլիայի ապաքինման համար:
Հիշեցնենք, որ դերասանուհի Ջուլիա Սաղաթելյանն այս տարվա հոկտեմբերի 27-ին Երևան-Գյումրի ավտոճանապարհին տեղի ունեցած ավտովթարի հետևանքով վնասել էր 8-րդ ողը և ուներ ոտքի կոտրվածք: Վիրահատության համար անհրաժեշտ էր 6.000 դոլար, սակայն դերասանուհու ընտանիքը չուներ հնարավորություն՝ հոգալու ծախսերը:
Հավելենք, որ եթե վիրահատությունը չկատարվեր, դերասանուհին հնարավոր էր այլևս չքայլել:
Asekose.am-ը դերասանուհուն առողջություն և շուտափույթ ապաքինում է ցանկանում:
