Համացանցում հայտնվել է Կամո Սեյրանյանի «Հուշեր» տեսահոլովակի անոնսը: Այն նկարահանված է իրական պատմության հիման վրա: Երաժիշտը նոր տեսահոլովակը նվիրել է իր մտերիմ ընկերոջ հիշատակին:
-Կամո ընկերասիրությո՞ւնը դրդեց նկարահանել նոր տեսահոլովակը:
-Երևի թե, այո: Ամեն մեկս աշխարհ է գալիս մի առաքելությամբ: Լավ, թե վատ ապրում ենք մեր օրերն ու հրաժեշտ տալիս երկրային կյանքին: Նոր տեսահոլովակս, որ կոչվում է «Հուշեր», նվիրված է ընկերոջս, ով հասարակությանը պիտանի անհատ էր, ընտանիքին նվիրված անձնավորություն. Բարեբախտաբար, նրա ժառանգները պահում են իր օջախի բարի ավանդույթները:
-Ո՞վ է երաժշտության հեղինակը:
-Երաժշտության հեղինակն Արմեն Ալեքսանյանն է, գործիքավորումն արված է սիմֆոնիկ նվագախմբի համար` Կարեն Անանյանի կողմից, նվագակցել են շեփորահար մեքսիկացի Ռամոն Ֆլորենսը, հարվածային գործիքն ապահովել է Արչի Պենան: Տեսահոլովակի ռեժիսորը Հրանտ Մովսիսյանն է; Մի քանի օրից տեսահոլովակը հասանելի կլինի համացանցում:
Հեղինակ` Լ. Արշակյան