Այո, վերնագրում սխալ չկա... Սա հաղթանակ էր ....Ստոկհոլմում կայացած  «Եվրատեսիլ-2016» երգի մրցույթի եզրափակչում Հայաստանը ներկայացնող երգչուհի Իվետա Մուկուչյանը, ազգային ժյուրիներին և հեռուստատադիտողների  քվեարկության արդյունքում գրավեց   7-րդ տեղը:

Այս տարվա համաեվրոպական մրցույթում մեր մասնակիցը ոչ միայն իր գեղեցկությամբ գերեց բոլորին, այլ նաև իր խիզախությամբ:

Հիշեցնենք, որ առաջին կեսաեզրափակիչի ընթացքում, «Եվրատեսիլ-2016»-ի համերգասրահի կանաչ սրահում, Իվետա Մուկուչյանի կողմից ԼՂՀ դրոշի ծածանումից հետո  Եվրոպական հեռարձակողների միությունը պաշտոնապես նախազգուշացրել էր Հայաստանի հանրային հեռարձակողին` նշելով, որ  եթե ԼՂՀ դրոշը մրցույթի ընթացքում կրկին ծածանվի, հայաստանյան պատվիրակությունը իրեն կդնի այս և հետագա տարիներին մրցույթից որակազրկվելու ռիսկի առաջ:

Սրանից հետո կարծիքներ հնչեցին, որ երգչուհու լինելուց բացի` նախ և առաջ  որպես հայրենասեր Իվետա Մուկուչյանը արդեն հաղթեց հենց իր առաջին ելույթով, թեկուզ նրա համար, որ «Եվրոնյուզով»  գրեթե կես ժամը մեկ ցուցադրում էին Արցախի դրոշը:

Իսկ հենց «Եվրատեսիլ-2016-ի» եզրափակչի օրը Ստոկհոլմի երկնքում սավառնում էր փոքրիկ ինքնաթիռ` «Ղարաբաղը սիրում է Իվետային» պաստառով:

Հեղինակ`

Ա. Գրիգորյան