Պապարացիները Նիկոլայ Բասկովի որդու՝ տասնամյա Բրոնիսլավի լուսանկարն են գտել, որը նրա նախկին կնոջ հետ ապրում է Մերձմոսկվայում:

Երգչին ցույց տալով տղայի լուսանկարները՝ առաջարկել են կռահել, թե ով է այդ երեխան: Նիկոլայը երկար թերթել է հեռախոսի մեջ եղած լուսանկարները՝ խորասուզվելով ճնշող լռության մեջ:

«Սա ձեր որդին է՝ Բրոնիսլավը: Նա 10 տարեկան է: Ե՞րբ եք վերջին անգամ նրան տեսել»,- հարցրել է թղթակիցը:

«Ինձ համար դժվար է այդ մասին խոսել, դա ինձ համար շատ ծանր վիճակ է եւ… Ժամանակն ամեն ինչ իր տեղը կդնի»,– ասել է վշտացած Բասկովը:

Նիկոլային համակած զգացմունքներն այնքան ուժգին էին, որ նա ընդհատել է հարցազրույցը եւ ներողություն խնդրելով՝ դուրս եկել հանդերձասենյակից:

Տեսանյութը դիտել՝ 0:48 վայրկյանից