Դերասանուհի Ժաննա Բուտուլյանը երեկ իր Instagram-ի «story» հավելվածում տեղադրել էր մի լուսանկար, որում «սմայլիկով» դեմքը թաքցրած աղջիկ էր՝ գրկախառնված մի տղամարդու հետ: Asekose.am-ը կապ հաստատեց Ժաննայի հետ՝ ճշտելու՝ արդյո՞ք լուսանկարի աղջիկն ինքն է, իսկ տղամարդն էլ՝ իր սիրելին:
«Նախ ասեմ, որ լուսանկարի աղջիկը ես չեմ, իսկ տղամարդն իմ շատ մտերիմ ընկերներից մեկն է, ով արդեն երկար ժամանակ է, ինչ Հայաստանում չի բնակվում: Մենք երեքով ընդհանուր կատակ ունենք այդ լուսանկարի հետ կապված, այդ պատճառով էլ տեղադրել եմ այն իմ միկրոբլոգում»,- պարզաբանեց Ժաննա Բուտուլյանը:
Վերջինիս խոսքով՝ տվյալ լուսանկարի խորհրդավորությունը միայն իրենք երեքով գիտեն.
«Տեղադրեցի լուսանկարը, որպեսզի միասին ծիծաղենք, միայն մենք ենք հասկանում դրա իմաստը»,- ավելացրեց Ժաննան՝ նշելով, որ իրեն և լուսանկարի տղամարդուն անձնական ոչինչ չի կապում:
Հարցին, թե արդյո՞ք մտավախություն չկար, որ այդ լուսանկարի պատճառով շփոթություն կարող է ստեղծվել՝ կապված իր անձնական կյանքի հետ, Ժաննան պատասխանեց.
«Անկեղծ ասած՝ ոչ: Չէի մտածում, որ այդ մի լուսանկարը նման արձագանք կստանա, և մարդիկ կսկսեն կասկածել, դա ինձ համար ընդամենը ծիծաղելի է»,- ասաց դերասանուհին:
Զրույցի ընթացքում Ժաննան հավելեց, որ այս պահին որևէ փոփոխություն չկա և սիրտը նախկինի պես զբաղված չէ.
«Իմ կյանքում տեղի ունեցած փոփոխությունները միայն աշխատանքային են, որոնց մասին, սակայն, ավելի ուշ կմանրամասնեմ»,- նշեց Ժաննա Բուտուլյանը:
Վերջում ավելացնենք, որ հարգելով դերասանուհու խնդրանքը և այլ անձանց անձնական կյանքը՝ տվյալ լուսանկարը չենք հրաապարակում:
Հեղինակ՝ Ս. Խաչատրյան
Կարդացեք նաև` Ժաննա Բուտուլյանը՝ սիրելի ունենալու, հայտնի մարդկանց հետ վերագրված սիրավեպերի մասին և ոչ միայն
Ինձ վերագրած սիրավեպերի ցուցակն Ալլա Պուգաչովայի ցուցակին գերազանցել է. Ժաննա Բուտուլյան
