Life.panorama.am-ը գրում է. Հունիսի 15-ին, էրեբունի բժշկական կենտրոնում հեռուստամեկնաբան Գայանե Փայտյանը զույգ աղջիկ է ունեցել: Երջանիկ մայրիկը կայքի հետ զրույցում նշեց, որ այսօր արդեն էլ ավելի է գիտակցում երջանկության չափը.
«Շնորհակալ եմ ուշադրության եւ իմ երջանկությունը կիսելու համար. ես ու փոքրիկներս շատ լավ ենք »,- վստահեցրեց Գայանեն ու շարունակեց.
«Զգացողություններն անբացատրելի են, մեր երջանկությանը չափ չկա»:
Մեր նկատառմանը, թե մայր կոչմանը արժանանլն ի՞նչ նոր զգացողությոթւններ է իր հետ բերում, նորաթուխ մայրիկը նշեց.
«Գիտեք, նախկինում էլ ինձ երջանիկ եմ համարել, բայց հիմա հասկանում եմ, որ համեմատելի չէ այն ու այսօրվա ապրածս երջանկությունը: Հիմա ես ամենակարեւորն ունեմ»:
Երկվորյակ քույրերը նման չեն իրար, Գայանեի խոսքով՝ նրանք տարբեր պարկերում են զարգացել, եւ հետեւաբար, միմյանց նմանություններ չունեն.
«Մեր աղջիկները կարծես թե չեն նեղացրել մայրիկին ու հայրիկին եւ հավասարապես մեկն ինձ է նման, մյուսը՝ հայրիկին»,- հավելեց նա:
Ծնողները աղջիկներին Էվա եւ Էլլա անուններն են տվել:
«Ես ու ամուսինս քննարկեցինք, հարմարեցրինք հայրանվան ու ազգանվան հետ եւ ի վերջո որոշեցինք նրանց կոչել Էվա եւ Էլլա, որոնք թե իրար լրացնող, թե ժամանակակից անուններ են»,- նշեց նա:
Առավել մանրամասն` սկզբնաղբյուր կայքում