Ռուս երգչուհի Անաստասիա Ստոցկայան հոկտեմբերի 7-ին նշում էր ծննդյան 35-ամյակը: Երգչուհին Instagram-ի իր էջում ծննդյան խնջույքից լուսանկարներ է հրապարակել, որոնցից մեկում ներկայացել է ամուսնու` հայազգի Սերգեյի հետ: Հատկանշականն այն է, որ երգչուհին բավական հազվադեպ է հրապարակում ամուսնու լուսանկարները:
Ռուսական լրատվամիջոցները գրում են, որ վերջին 7 տարիների ընթացքում Ստոցկայան և նրա ամուսինը հանրային միջոցառումներին միասին չեն ներկայացել: Հավելենք նաև, որ Սերգեյի ազգանունը մինչ այժմ գաղտնի է պահվում հասարակության լայն շերտերից:
Հիշեցնենք, որ զույգն ամուսնացել է 2010 թվականին: Իր հարցազրույցներից մեկի ժամանակ Անաստասիան նշել էր, որ ամուսնու ընտանիքի անդամները, ովքեր բնակվում են Երևանում, իրեն հարազատի նման են ընդունել: Բացի դրանից, երգչուհին ասել էր, որ պատրաստվում է իր որդուն հայերեն սովորեցնել, չնայած անձամբ չի տիրապետում դրան: Նշենք նաև, որ Ստոցկայան մայիսի 7-ին լույս աշխարհ եկած իր դստերն անվանակոչել է հայ ամուսնու տատիկի պատվին`Վերա:
Նշենք նաև, որ Մոսկվայի բազմաթիվ հայտնի ռեստորաններից երգչուհին նախընտրել է հայկական խոհանոցը ներկայացնող «ԼԱՎԱՇ» ռեստորանը: Ռեստորանի պաշտոնական կայքում նշված է, որ այն բացվել է 2005 թվականին, և բոլոր մթերքները բերվում են բացառապես Հայաստանից: Ռեստորանի շեֆ խոհարար Սիմոն Պողոսյանը նշում է, որ իր գլխավոր խնդիրը ռեստորանի յուրաքանչյուր այցելուին հայկական խոհանոցի յուրահատկությունը, պարզությունն ու անկրկնելիությունը ցույց տալն է: