ՈՒՇԱԴՐՈՒԹՅՈՒՆ. ԱՄՆ-ն վիզաների խարդախության մեջ մեղադրվող հայաստանցի Դիանա Գրիգորյանի նկատմամբ հետախուզում է հայտարարել։
Asekose.am-ը փորձեց կապ հաստատել Դինա Ակոպովնայի հետ` պարզաբանում ստանալու նպատակով, սակայն հեռախոսազանգին պատասխանողը հայտարարեց, որ տվյալ հեռախոսահամարը այլևս չի պատկանում Դինային, ապա կախեց լսափողը: Նշենք, որ հեռախոսահամարի նոր տիրոջ ձայնը զարմանալիորեն շատ նման էր Դինա Ակոպովնայի ձայնին:
Հիշեցնենք, որ օրերս ԱՄՆ Արդարադատության նախարարությունը տեղեկատվություն տարածեց երեք հայի մասին (Ստելլա Բոյաջյան, Հրաչյա Աթոյան, Դիանա Գրիգորյան), ովքեր Միացյալ Նահանգներում մեղադրվում են մուտքի արտոնագրերի հետ կապված խարդախություններ կատարելու ու փողերի լվացման համար: Նրանցից մեկը հաղորդավարուհի Դիաննա Գրիգորյանն է, ով ավելի հայտնի է Դինա Ակոպովնա անունով:
Տեղեկատվության տարածումից հետո Դ.Ակոպովնան հերքել էր, որ կապ ունի տեղի ունեցած խարդախությունների հետ, ավելին` պնդել էր, որ այս պահին էլ ունի ԱՄՆ մուտքի գործող արտոնագիր:
