Սփյուռքի նախարարի տեղակալ Արմեն Հայրապետյանը, ով այդ պաշտոնին էր 2011-ից, նշանակվել է ՍԱՊԾ պետ. հիշեցնենք, որ այդ պաշտոնին այսօր հրաժեշտ է տվել Աբրահամ Բախչագուլյանը:
Բախչագուլյանի պաշտոնանկության մասին խոսվում էր դեռ երկու տարի առաջ, երբ նախագահի վերահսկողական ծառայությունը ստուգումներ էր իրականացվում Գյուղատնտեսության նախարարության սննդի անվտանգության պետական ծառայությունում (ՍԱՊԾ):
Վերջերս էլ մամուլը գրեց, որ վարչապետ Հովիկ Աբրահամյանը խիստ բարկացել էր Աբրահամ Բախչագուլյանի վրա,քանի որ ուսումնասիրությունները ցույց են տվել, որ արտահանվող սննդի որակը բավական հեռու է պահանջվող չափանիշներից, ինչն էլ շարժել է ներկրող երկրների համապատասխան շրջանակների զայրույթը և խափանել հետագա համագործակցությունը:
Նշենք, որ Արմեն Հայրապետյանը, ով հայտնի է որպես «Սամսունգի Արմեն»/ նա «ՍԱՄՍՈՒՆԳ» խանութների ցանցի սեփականատերն է/ և համարվում է «Մարկ Ինտերնեյշնլ» ՍՊԸ-ի համահիմնադիրներից Երևանում` արդեն ներկայացվել է Գյուղատնտեսության նախարարության սննդի անվտանգության պետական ծառայության (ՍԱՊԾ) աշխատակազմին:
Թե «Սամսունգի Արմեն»-ի գործունեությունն ու մասնագիտությունն ինչ կապ ունեն սննդի անվտանգության պետական ծառայության հետ, պաշտոնական հաղորդագրությունում, դժվար թե բացահայտեք` ինչպես անհասկանալի էր նաև Սփյուռքի նախարարության հետ նրա առնչությունը` նախարարի տեղակալի պաշտոնում նշանակավելու պարագայում:
