Երեկ տեղի ունեցած «Գունեղ էջեր» ամենամյա գրական մրցանակաբաշխության ժամանակ ժյուրիի՝ Լուսինե Սիմոնյանի անվան հատուկ մրցանակը շնորհվել է Էդգար Կոստանդյանին՝ «Մարտուն պապը» պատմվածքի համար:
Հեղինակը դահլիճում չէր , նրա փոխարեն մրցանակը ստացավ արձակագիր Անուշ Հակոբյանը: Հեռախոսազրույցում Էդգար Կոստանդյանն ասաց, որ շնորհակալ է կազմակերպիչներին ու ժյուրիին, և հավելեց. «Չափից ավելի պարտավորեցնող է ստանալ մի մրցանակ, որ կրում է մեր սերնդի լավագույն գրողի և իմ երջանկահիշատակ ընկերոջ անունը»: Իսկ հարցին, թե ինչու չի մասնակցել մրցանակաբաշխությանը, կես կատակ, կես լուրջ պատասխանեց. «Բա Անուշիկին ինչի համար ենք պահում», հետո անկեղծացավ ու խոստովանեց, որ մոռացել էր:
Զառա Մկրտչյան
