«Միլենա Ասատրյանի և փոքրիկի վիճակը շարունակում է կայուն ծանր մնալ: Տվյալ պահին վիճակի վատացում չկա, բայց նրանք երկուսն էլ համարվում են ծանր հիվանդներ, Միլենան գիտակցության եկել է, արձագանքում է բոլոր հարցերին, բայց շարունակում է մնալ արհեստական շնչառության տակ»,- Asekose.am-ի թղթակցի հետ զրույցում ասաց ՀՀ ԱՆ գլխավոր մանկաբարձ-գինեկոլոգ Ռազմիկ Աբրահամյանը:
Այն հարցին` արդյոք հույս կա Միլենայի և փոքրիկի կյանքը փրկելու համար, Ռազմիկ Աբրահամյանը նշեց.
«Չեմ կարող ոչինչ խոստանալ, բայց նրանք գտնվում են հատուկ ուշադրության կենտրոնում. ամեն ինչ արվում է երկուսի կյանքը փրկելու համար»:
Հիշեցնենք, որ հունիսի 30-ի առավոտյան 33-ամյա Հայկ Վարդանյանը, այցելելով Հանրապետական հիվանդանոցի ծննդատան հիվանդասենյակ, իր մոտ եղած հրազենով կրակել է կնոջ` 27-ամյա Միլենա Ասատրյանի վրա, այնուհետև ինքնասպան է եղել:
Ըստ շրջանառվող լուրերի` ամուսնու այդ քայլի պատճառը եղել է այն, որ նա կասկածել է, որ ինքը երեխայի հայրը չէ:
Անի Հարությունյան