Հայաստանի Լոռու մարզի Օձուն գյուղի 6-րդ դարի Սուրբ Մարիամ Աստվածածնի եկեղեցու վերականգնողական աշխատանքները ավարտվել էին: Կատարող «ԼևԳուկ» ընկերությունն ուժեղացրել էր շինությունը ներքին ամրացման մեթոդով՝ սահմանափակելով արտաքին տեսքի միջամտությունը թռուցիկ շտկումներով:
Սակայն այժմ համացանցում հայտնվել է մի տեսանյութ, որի հեղինակը փաստում է, որ վերականգնողական որոշ աշխատանքներից հետո հաճախել է Օձունի եկեղեցի, սակայն այն դեռևս ամբողջությամբ վերականգնված չէ.
«Անկատար աշխատանքներ դեռ կան, բակում թափված են կամարակապի քարերն ու քիվերը: Արտաքին եռակողմ սրահներն ամբողջական վերականգնման չեն ենթարկվել: Բակի բարեկարգում և եկեղեցու շուրջը ջրահեռացում չի կատարված և այլն: Այս ամենը հետագայում կարող է լուրջ խնդիրներ առաջացնել, եթե անմիջապես չիրականացվի: Եթե Օձունի տաճարի վերականգնման աստվածահաճո գործն անավարտ մնա, ապա արածն էլ ջուրը կլցվի...»,- նշում է տվյալ տեսանյութի հեղինակը:
Հիշեցնենք, որ Օձունի Սբ. Աստվածածին եկեղեցու վերականգնումը ֆինանսավորել է Մոսկվայում ապրող գործարար, բարերար Մովսես Ձավարյանը, ով պնդում էր,որ ծրագիրն ամբողջությամբ չի արդարացրել իր սպասումները, մասնավորապես՝ Հայաստանում պետության և բարեգործների համագործակցությունը չափազանց անարդյունավետ է:
Հեղինակ` Անէքսուս
