Newsbook.am-ը գրում է.
Ապրիլյան պատերազմի օրերին ծանր վիրավորված և ներկայումս Գերմանիայում բուժում ստացող Արման Լազգիյանի առողջական վիճակի մեջ էական փոփոխություն չկա: Բժշկական վերջին միջամտությունը, որ կատարել են գերմանացի մասնագետները, եղել է պառկելախոցի` մեկ շաբաթ առաջ արված վիրահատությունը: Կայքի թղթակցի հետ զրույցում այս մասին ասաց Երևանի ավագանու «Բարև Երևան» խմբակցության անդամ Անահիտ Բախշյանը:
Նրա տեղեկացմամբ` համբուրգյան կլինիկայից Բոննի համալսարանական կլինիկա տեղափոխվելու և այնտեղ ֆիզիոթերապևտիկ բուժման կուրս անցնելու համար վիրավոր զինծառայողի հարազատներին 161 հազար եվրո է անհրաժեշտ:
«Քանի դեռ այդ գումարը փոխանցված չէ, Արմանին տվյալ բուժհաստատություն չեն ընդունի: Ինչպես հասկանում եմ, նրա հարազատներն այլևս դրամահավաք կազմակերպելու մտադրություն չունեն, ուղղակի ասում են, որ սպասում են: Թե ինչի են սպասում, ճիշտն ասած, չգիտեմ»,- նշեց մեր զրուցակիցը:
Առավել մանրամասն՝ սկզբնաղբյուր կայքում