Life.panorama.am-ը գրում է.
«Պարզապես հիմարություն է, ո՞վ է նման բաներ տարածում: Ես անձամբ ներկա եմ եղել Պավլիկ Մանուկյանի, նրա որդու ու մյուս զինյալների վիրահատություններին, և մենք՝ բժիշկներս, արել ենք առավելագույնը, որպեսզի այդ մարդիկ վերադառնան բնականոն կյանքին: Նրանց վիրահատություններն իրականացրել են Հայաստանի լավագույն վիրաբույժները և մենք հստակ ցուցում ենք ստացել՝ ոչ մի ջանք չխնայել այդ մարդկանց կյանքն ու առողջությունը պահպանելու համար»,-կայքի հետ զրույցում ասաց Էրեբունի բժշկական կենտրոնի փոխտնօրեն Միքայել Մանուկյանը:
Նշենք, որ իրավապաշտպան ներկայացող Ժաննա Ալեքսանյանը Facebook-ի իր էջում երեկ գրել էր. «Այսօր ինձ պատմեցին, որ մեծ ճնշում է եղել Պավլիկ Մանուկյանին վիրահատող բժշկի վրա: Բժշկին պարտադրել են, որ վիրահատության ժամանակ կտրի հերոսի ոտքերը, սակայն բժիշկը կտրականապես դեմ է եղել և ոչ մի կերպ չի համաձայնել գնալ նման քայլի: Զարհուրելի է…» :
«Էրեբունի ԲԿ-ն իր գործունեության 30 տարիների ընթացքում հիվանդանոց ոտք դրած ցանկացած քաղաքացու վերաբերվել է որպես հայ մարդու և արվել է առավելագույնը նրանց՝ լիրաժեք բուժօգնություն ստանալու իրավունքն իրացնելու համար: Մեզ համար կապ չունի բուժօգնության դիմած անձը բանվոր է, թե նախարար, սա մեր սկզբունքն է: Հիմա այդ ոտք կտրելու մասին հայտարարությունը մեկնաբանելն անգամ ամոթալի է, ոնց կարելի է նման անպատասխանատու բաներ անել»,-հավելեց Մանուկյանը:
Առավել մանրամասն՝ սկզբնաղբյուր կայքում
