ՀԱՕԿ-ը հետեւյալ կերպ է մեկնաբանում Ռիո 2016-ի հունահռոմեական ոճի ըմբշամարտի եզրափակիչ Միհրան Հարությունյան-Դավոր Շտեֆանեկ գոտեմարտը:
«Հունահռոմեական ոճի ըմբշամարտի՝ Հայաստանի հավաքականի անդամ Միհրան Հարությունյանը դարձավ 31-րդ ամառային Օլիմպիական խաղերի փոխչեմպիոն:
Եզրափակչում Հարությունյանի մրցակիցը սերբ, աշխարհի նախկին չեմպիոն Դավոր Ստեֆանեկն էր: Գեղեցիկ եւ համառ պայքարն ավարտվեց 1-1, եւ քանի որ սերբը վերջինն էր միավոր վաստակել, հաղթանակը մրցավարները տվեցին Ստեֆանեկին»,- գրված է ՀԱՕԿ պաշտոնական կայքում:
Ստացվում է, որ անկախ այն բանից, որ նույնիսկ միջազգային մամուլն է նշում, որ Միհրան Հարությունյանն անարդարության զոհ է դարձել, մեր երկրում այդ ամենի դեմ պայքարելու կամ ժամանակ չունեն, կամ էլ աչքերը փակելն ավելի հարմար տարբերակ է:
Հիշեցնենք, որ Change.org կայքում ստորագրահավաք է ընթանում Միհրան Հարությունյանի ոսկե մեդալը վերականգնելու պահանջով:
Խնդրագիրը ստորագրածների թիվն այս պահին գրեթե 14. 000 է: