Armtimes.com-ը գրում է. Ադրբեջան փախած Արման Վիրաբյանը որեւէ կապ չի ունեցել «Էլեկտրիկ Երեւան»-ի կազմակերպչական աշխատանքների հետ եւ չի եղել առաջին շարքերում: Մեզ հետ զրույցում այս մասին հայտարարեցին էլեկտրաէներգիայի դեմ պայքարը նախաձեռնած երիտասարդներից Վաղինակ Շուշանյանն ու Մաքսիմ Սարգսյանը:

Ինչպես տեղեկացրել ենք, ըստ ադրբեջանական haqqin.az-ի Բաքու մեկնած Վահե Ավետյանին, Սյուզան Ջաղինյանին և Վահան Մարտիրոսյանին միանալու է Արմեն Վիրաբյան անունով մեկը, ով կայքի հետ զրույցում հայտարարել է, որ «Էլեկտրիկ Երեւանի» ակտիվիստ է եւ «Ժառանգություն» կուսակցության առաջնորդ Րաֆֆի Հովհաննիսյանի նախկին վստահված անձ:

«Նա չի եղել «Էլեկտրիկ Երեւանի» կազմակերպիչների մեջ, չի եղել «Ոչ թալանին» նախաձեռնությունում: Միգուցե մասնակցել է բողոքի ակցիաներին, բայց Բաղրամյան պողոտայում տեղի ունեցած ակցիաներին մասնակցել  է 20-25 հազար մարդ: Հիմա ով տեղից վեր է կենում, ասում է. ես «Էլեկտրիկ Երեւանի» կազմակերպիչ եմ, ես «Էլեկտրիկ Երեւանի» առաջին գծից եմ: Այդպիսի հայտարարություն էր անում նաեւ Վահան Մարտիրոսյանը, որ նույնպես փախավ Ադրբեջան»,- մեզ հետ զրույցում ասաց «Ոչ թալանին» նախաձեռնության անդամ Մաքսիմ Սարգսյանը:

Շարունակությունը՝ սկզբնաղբյուր կայքում