Օրերս մամուլում եղավ հրապարակում, ըստ որի՝ Սերգեյ Դանիելյանը չի գրանցի իր կուսակցությունը.
«Դերասան Սերգեյ Դանիելյանի նախաձեռնությունն իրավական ուժ չի ստանա եւ հետեւապես դերասանը չի մասնակցի 2017 թվականի խորհրդարանական ընտրություններին: «Քաղաքացիական ակտիվ քայլ» կուսակցություն գրանցելու մասին դիմում չի ներկայացվի ՀՀ արդարադատության նախարարության իրավաբանական անձանց ռեգիստրի գրանցամատյան, հակառակը՝ կուսակցությունը կմնա վիրտուալ տիրույթում»,- «Հայկական ժամանակ» օրաթերթի հետ զրույցում ասել էր Սերգեյ Դանիելյանը:
Սակայն երեկ CivilNet-ի հետ զրույցում Սերգեյ Դանիելյանը հերքել է տարածված տեղեկատվությունը՝ ասելով.
«Ճիշտն ասած նստած էինք իշխանության ներկայացուցիչների հետ: Պատկառելի մարդիկ կային, մինիստրներ կային: Չէի ուզում ասել, բայց քանի որ հարցը տվել եք կասեմ: Երբ ես հայտարարեցի, որ իշխանամետ կուսակցություն եմ, շատ լավ հարաբերություններ նրանց հետ ձևավորվեց: Նրանք ուռում էին ու ես պոտդիմ նստած էի: Էդ ժամանակ եղավ այդ զանգը և ես չեմ էլ հիշում, թե ինչ եմ ասել»,- ասել է դերասանը և վերահաստատել իր տեսակետը, որ պետք է գրանցի իր կուսակցությունը:
