armtimes.com-ը գրում է.  Մեր տեղեկություններով, քրեական հեղինակություն Դոն Պիպոյի (Արթուր Ասատրյան) սպանությունը նախապատրաստելու կասկածանքով ձերբակալված երեք անձինք ընկերներ են, տարբեր մարզերի բնակիչներ:

Մեր տեղեկություններով, նրանք բազմիցս արտագնա աշխատանքի են մեկնել Ռուսաստան: Նրանցից մեկը խոհարար է, մյուս երկուսը շինարարական աշխատանքներ են կատարել: Ըստ շրջանառվող տեղեկությունների՝ Դոն Պիպոյին սպանելու պատվեր է իջեցվել, բայց պատվերը Ռուսաստանի՞ց է, թե Հայաստանից՝ դեռ պարզ չէ: Նրանք առայժմ հակասական ցուցմունքներ են տալիս:

Նշենք, որ դեպքի առթիվ հարուցվել է քրեական գործ 35-104 հոդվածի (սպանության նախապատրաստություն) եւ 235 հոդվածի հատկանիշներով (ապօրինի զենքը պահելը, կրելը):

Ձերբակալված երեք անձանց անուններն իրավապահները դեռ գաղտնի են պահում: 

Նյութը՝ սկզբնաղբյուր կայքում