Ֆեյսբուքում մեծ աղմուկ բարձրացրած՝ Լիլիթ Աղաջանյանի գրառման հետքերով Asekose.am-ը կապ հաստատեց Գեղարքունիքի մարզի Ձորագյուղ գյուղի գյուղապետ Լյովա Գրիգորյանի հետ:
Վերջինս նշեց, որ համացանցում տարածված նկարում պատկերված գերեզմանոցը գյուղի եկեղեցու մոտ է 1962 թվականից և ընդգծեց, որ խորհրդային տարիներին եկեղեցու բակում թաղումներ կազմակերպվել են նաև այլ համայնքներում:
«Եթե գերեզմանոցը քանդվի գյուղապետի կողմից՝ արդյո՞ք այն չի որակվի որպես վանդալիզմ: Իմ գյուղապետ լինելու տարիներին երբևէ նման դեպք չի եղել, իսկ հինը մենք պարտավոր ենք խնամքով պահելու և ոչ թե քանդելու»,-իր խոսքը եզրափակեց Լյովա Գրիգորյանը:
