Հարություն Խաչատրյանը հնարավոր է՝ ղեկավարի կինեմատոգրաֆիստների միությունը: Նա այսօր իր թեկնածությունն է առաջադրել միության նախագահի պաշտոնում:
«Երկիրն այսօր»-ի հետ զրույցում ռեժիսորը նշեց, որ հայկական կինոն այսօր վատ վիճակում է եւ ինքն ուզում է զբաղվել ոչ թե դրա մի փոքր մասով, այլ ողջ հայկական կինոյով, եւ կարծում է, որ իր կապերն ու հնարավորությունները կարող է ծառայեցնել այդ գործին:
Հիշեցնենք, որ «Ոսկե ծիրան» Երեւանի միջազգային կինոփառատոնի տնօրեն Հարություն Խաչատրյանը իր դիմումի համաձայն ազատվել է կինոփառատոնի տնօրենի պաշտոնից:
Նշենք, որ Հարություն Խաչատրյանը կանգնած էր «Ոսկե ծիրան» կինոփառատոնի ստեղծման ակունքներում:
Կարդացեք նաև՝ Միշտ վտանգավոր են մարդիկ, որոնք արվեստից գնում են իշխանության...Հարություն Խաչատրյան
