Գաբրիել Սալոսի փողոցում 20 ժամից ավելի իրականացված հակաահաբեկչական հատուկ գործողության հետ կապված պետական անվտանգության ծառայությունում մամլո ասուլիս է հրավիրվել:
Վրաստանի պետական անվտանգության ծառայությունում տեղի ունեցած մամլո ասուլիսի ընթացքում հայտնի է դարձել, որ հատուկ գործողության արդյունքում ձերբակալված է 1 անձ, մյուսները ոչնչացված են:
Ինչ վերաբերում է հատուկջոկատայիններին, նրանցից մեկը, որ վիրավորվել էր գլխի շրջանում, վիրահատությունից հետո ժամեր առաջ մահացավ Ինգորոկղվայի հիվանդանոցում: Վիրավորված է նաեւ 2 հատուկջոկատային:
Ահաբեկչության մեջ մեղադրվող անձանց քաղաքացիությունը եւ այլ մանրամասներ պարզ կդառնան առաջիկա օրերին:
ՊԱԾ-ի մամլո ասուլիսի ընթացքում նշվեց նաեւ, որ հանցագործ խմբի անդամները Վրաստանի քաղաքացիներ չեն եւ օրինապահները նրանց օրեր շարունակ հետեւել են:
Հիշեցնենք, որ Թբիլիսիում ընթացող հատուկ գործողությունը սկսվել էր սեպտեմբերի 21-ին, երեկոյան ժամը 8-ի սահմաններում: Իսանի թաղամասի բնակարաններից մեկում երկու անձ էին գտնվում, ովքեր, ըստ Վրաստանի պետական անվտանգության ծառայության՝ օտար երկրի քաղաքացիներ էին ու ահաբեկչական խմբավորման անդամներ: