ՀՀ Զինված ուժերի գլխավոր շտաբի նախկին պետ Մովսես Հակոբյանը, ով երեկ նշանակվեց ռազմական տեսուչի պաշտոնում, բավարարված է եղել վարչապետ Նիկոլ Փաշինյանի որոշմամբ։
«Պարոն վարչապետը ինձ ներկայացրել է իր որոշման հիմքերը, պատճառները և դրանք ինձ բավարարել են։ Գտնում եմ, որ նա ճիշտ է արել», - «Ազատության» հետ զրույցում ասել է Հակոբյանը։
Իրեն աշխատանքից ազատելու պատճառների մասին Հակոբյանը կտրուկ հրաժարվել է ասել. «Դրանք տեղավորվում են այն քաղաքականության մեջ, որը վարում է վարչապետը զինվորական պաշտոն զբաղեցրած անձանց նոր շունչ տալու կոնտեքստում»։
Նա նաև նշել է, որ իր նոր պաշտոնում առաջնահերթությունները լինելու են «զինված ուժերի և պետության ռազմական պոտենցիալի և մարտունակության բարձրացումը»։
