Կառավարության այսօրվա արտահերթ նիստից հետո լրագրողների հետ ճեպազրույցի ժամանակ Ազգային Անվտանգության Ծառայության տնօրեն Արթուր Վանեցյանը բնապահպաններին կոչ է արել տեր կանգնել գեներալ, ՀՀԿ-ական պատգամավոր Մանվել Գրիգորյանի տան տարածքում գտնվող արջերին ու առյուծներին, որովհետև այնտեղ այլևս ուտելիք չկա։
Հիշեցնենք, որ լրագրողների հետ զրույցում Արթուր Վանեցյանը, անդրադառնալով ԱԱԾ-ի աղմկահարույց բացահայտմանը, նշել էր, որ Մանվել Գրիգորյանի գործով քննությունը շարունակվում է և ընթացքում պարզ կդառնա, թե ովքեր ինչ կապ ունեն գործի հետ: Մանվել Գրիգորյանը ազատ չի արձակվի:
Վանեցյանի խոսքով` առաջիկայում բացահայտումներ կլինեն:
Հիշեցնենք, որ ՀՀԿ-ական պատգամավոր, Գեներալ Մանվել Գրիգորյանը ձերբակալվել է ամառանոցում ապօրինի զենք, ռազմամթերք հայտնաբերելու փաստի առթիվ հարուցված քրեական գործի շրջանակներում:
Պարզվում է, որ Մանվել Գրիգորյանը կասկածվում է նաեւ ապրիլյան պատերազմի օրերին դպրոցականների կողմից զինծառայողների համար ուղարկված օգնությունը յուրացնելու համար: Այնուհետեւ այդ ամենը հաստատող հաղորդագրություն եւ տեսանյութ էր տարածել ԱԱԾ-ն։
Նշենք նաև, որ այսօր Մանվել Գրիգորյանի պաշտպան Հրանտ Անանյանը հրաժարվել է գեներալի պաշտպանությունից:
Կարդացեք նաև` ԱԱԾ. Առաջնագծի զինվորներին ուղարկված օգնությունը արկղերով Մանվել Գրիգորյանի առանձնատանն էին
Ներիր մեզ, իմ քաջ զինվոր... Նիկոլ Փաշինյան
ՀՀ գլխավոր դատախազը Մանվել Գրիգորյանին անձեռնմխելիությունից զրկելու միջնորդություն է ներկայացրել
Աշակերտուհին չէր կարող ենթադրել, որ քաջ զինվորին գրած իր այս նամակը հասնելու է «քաջ գեներալին»
Պետական վերահսկողական ծառայությունը ստուգումներ է սկսելու ՊՆ-ում. Դավիթ Սանասարյան
