ՀՀ Ազգային անվտանգության ծառայությունից չեն հերքում, որ ԱԱԾ տնօրեն Արթուր Վանեցյանը կարող է իր թեկնածությունն առաջադրել Հայաստանի ֆուտբոլի ֆեդերացիայի նախագահի ընտրություններում: Մամուլում տեղեկություն է տարածվել, որ ներկայիս նախագահ Ռուբեն Հայրապետյանը հեռանալու է, եւ նրան փոխարինելու հենց Վանեցյանը:
«Հայկական ժամանակ»-ը վերջինիս դիրքորոշման մասին հարց է ուղղել Ազգային անվտանգության ծառայության մամուլի կենտրոնի ղեկավար Սամսոն Գալստյանին: Նա նշել է, որ քննարկում պետք է լինի:
«Այս պահին տնօրենը ձեռնպահ եմ մնում հարցի շուրջ որեւէ մեկնաբանությունից, բայց ուսումնասիրելու, քննարկելու կարիք ունի, որից հետո կհայտնի իր դիրքորոշումը»,- ասաել է նա՝ ավելացնելով, որ հստակ ժամկետներ չի կարող նշել:
Հիշեցնենք, որ հուլիսի 17-ին, ՀՖՖ գործադիր կոմիտեի ժողով է տեղի ունեցել, որի ընթացքում հստակեցվել են մի շարք հարցեր՝ այդ թվում արտահերթ նիստի մասին մանրամասները:
Կարդացեք նաև՝ Մեր ֆուտբոլում փոփոխություններն անխուսափելի են. Փաշինյանը հիշեցրեց ՀՖՖ-ում ընտրությունների մասին
