ՀՀ առաջին փոխվարչապետ Արարատ Միրզոյանը համաձայն չէ Վիգեն Սարգսյանի այսօրվա հայտարարության հետ, որ Հայաստանը սխալ արտաքին քաղաքկանություն է վարում։ Այս մասին այսօր՝ հոկտեմբերի 27-ին, ԱԺ-ում, լրագրողների հետ զրույցում ասաց Արարատ Միրզոյանը։
«Վերջին շրջանում, եւ, թերեւս, նախկինում էլ Վիգեն Սարգսյանի եւ իմ գնահատականներն ընդհանրապես չեն համընկնում, կան էդ նույն կուսակցությունից կան մարդիկ, ում հետ զանազան
հարցերում համաձայն ենք, Վիգեն Սարգսյանի հետ ոնց որ չենք կարողանում որեւէ հարցում համաձայնվել։ Եւ այս ձեւակերպումը Վիգեն Սարգսյանի իմ համար որեւէ կերպ հիմնավոր չի հնչում առնվազն եւ ես կարող եմ հակառակ պնդումն անել, որ այնպիիսի լավ քաղաքական վիճակում, ինչպիսին Հայաստանն է հիմա գտնվում, եւ այնպիսի բազմավեկտոր արտաքին քաղաքականությունորը հիմա է իրականացվում ՀՀ-ում երբեւէ չի եղել»,-ասաց նա։
Արարատ Միրզոյանը հավելեց, որ իր կարծիքով՝ իրենք չեն ավիրել տասնամյակներով սետղծածը, այլ հակառակն է՝ բոլոր ոլորտներում «տխուր» պատկեր է։
Կարդացեք նաև՝ Վիգեն Սարգսյանի ձեւակերպումը ինձ համար որեւէ կերպ հիմնավոր չի հնչում. Արարատ Միրզոյան
