Հայ գրոսմայստեր Լևոն Արոնյանը, որը տևական ժամանակ է՝ հանդես է գալիս ԱՄՆ դրոշի ներքո, գրառում է կատարել սոցիալական ցանցի իր էջերում և տեղեկացրել՝ իր կինը՝ Անիտա Այվազյանը, NBA-ի՝ «Ֆիլադելֆիա Սիքսերսի» տնային խաղից առաջ կատարել է երկրի ազգային օրհներգը:
«Մենք Ֆիլադելֆիայում ենք: Ես անչափ հպարտ և ոգևորված եմ Անիի համար, որը «Ֆիլադելֆիա 76»-ի և «Օրլանդո Մեջիքի» միջև «Ուելս Ֆարգո Սենթըրում» կայանալիք խաղից առաջ կատարելու է ազգային օրհներգը»,- գրել է Արոնյանը:
